U Nacyjanalnym muzei historyi i kultury Biełarusi 19 lutaha adkryłasia vystava «Rycary Vialikaha Kniastva». Heta sumiesny prajekt muzeju, vajenna‑histaryčnaha klubu «Kniažy Huf» i Respublikanskaha moładzievaha histaryčnaha abjadnańnia «Rycary Vialikaha kniastva».
U Nacyjanalnym muziei historyi i kultury Biełarusi 19 lutaha adkryłasia vystava «Rycary Vialikaha Kniastva». Heta sumiesny prajekt muzieja, vajenna‑histaryčnaha kłuba «Kniažy Huf» i Respublikanskaha maładziožnaha histaryčnaha abjadnańnia «Rycary Vialikaha kniastva».
U ekspazicyju ŭvajšli łatnyja kompleksy, daśpiechi, chałodnaja i ahniastrelnaja zbroja, a taksama adzieńnie, pradmiety pobytu prodkaŭ biełarusaŭ. Jak paviedamiŭ na adkryćci kiraŭnik kłuba «Kniažy Huf» Fiodar Michiejeŭ, usie hetyja atrybuty časoŭ Vialikaha kniastva Litoŭskaha (VKŁ) adnoŭleny ŭmielcami kłuba. Pry rekanstrukcyi aŭtary abapiralisia na histaryčnyja materyjały, malaŭničyja pałotny, hraviury, letapisy.
Pavodle słoŭ sp. Michiejeva, u Biełarusi nie rychtujuć śpiecyjalistaŭ pa rekanstrukcyi daśpiechaŭ abo zbroi, tamu majstry prachodziać abučeńnie na bazie kłuba. Asnoŭnaja meta arhanizacyi, jakaja sioleta adznačyć svajo dziesiacihodździe, — «vychavańnie patryjatyzmu, pačućcia nacyjanalnaj samaśviadomaści i hramadzianskaha abaviazku». Za čas isnavańnia kłuba na jaho bazie adnoŭlena 16 łatnych rycarskich kompleksaŭ, adzieńnie, zbroja i pradmiety pobytu časoŭ VKŁ.
Rekanstrujavanyja ŭmielcami kłuba rečy vystaŭlalisia ŭ ekspazicyjach Nacyjanalnaha muzieja historyi i kultury, muzieja staražytnabiełaruskaj kultury Nacyjanalnaj akademii navuk, Mirskim zamku, muziejach Lidy i Zasłaŭja.
Kłub braŭ udzieł u rycarskich fiestyvalach Biełarusi, Rasii, Polščy, Čechii i inšych krain. Členy kłuba byli zadziejničany ŭ ajčynnych i rasijskich kinaprajektach: «Anastasija Słuckaja», «Načny dazor», «Dzionny dazor», «1612. Chroniki smutnaha času» i inš. Aprača taho, na bazie kłuba pravodziacca sieminary pa historyi kaściuma i hieraldycy VKŁ.
U skład abjadanńnia «Rycary Vialikaha Kniastva», aprača kłuba «Kniažy Huf», uvachodziać kala 15 histaryčnych kłubaŭ z roznych kłubaŭ Biełarusi.
Vystava «Rycary Vialikaha Kniastva» budzie pracavać da 23 sakavika.
Kamientary