Biełaruskamoŭnaja hulnia-kvest na Dzień zakachanych projdzie ŭ Minsku 14 lutaha
Biełarusy, jakija letaś arhanizavali viełasipiednuju hulniu «Słava Voršy ŭžo nia horša» padrychtavali siurpryz na Dzień śviatoha Valancina. Usich achvotnych zaprašajuć pryniać udzieł u ramantyčnym kveście ad «Šukaj.BY».
Udzielniki hulni musiać razhadvać zahadki i prajści maršrut pa miescach Minska, tak ci inakš źviazanych z kachańniem, i daviedacca pra lehiendy, jakija ich akružajuć. Za čas hulni možna budzie daviedacca pra «zakachanaha lešaha Pana, jak Śvisłač nakarmiła Mienieska kamiennymi pirahami, pra rusałku ŭ race i Cmoka, što skradaje dziaŭčyn».
Hulnia pačynajecca z taho, što ŭ miescy startu — na płoščy 8 sakavika — treba budzie zajści na sajt shukaj.by, dzie buduć vykładvacca zadańni. Kožnaje razhadanaje zadańnie nabližaje ŭdzielnikaŭ da finišu.
Arhanizatary pakłapacilisia, kab hulnia była sapraŭdy ramantyčnaj: pytańni dla dziaŭčyn i chłopcaŭ buduć adroźnivacca, tamu, kab prajści kvest, treba prychodzić paraj ci šukać pałovu na miescy.
Udzielničać u kveście moža luby achvotny, ale na padarunki ad arhanizataraŭ mohuć pretendavać tolki tyja, chto zahadzia zarehistrujecca na sajcie «Šukaj.BY».
Adzin z arhanizataraŭ hulni Jarasłaŭ Lichačeŭski kaža, što hulnia zojmie kala 2-3 hadzin u prahułačnym tempie. Movy kvestu — biełaruskaja i rasijskaja.
«U nastupnych kvestach my budziem vykarystoŭvać i anhlijskuju. Viadoma, my budziem raźvivać «Šukaj.BY» i jak kamiercyjny prajekt, ale heta budzie «social business» (biznes, nakiravany na raźvićcio hramadstva — K.Ch.) Naša hałoŭnaja meta — danieści da biełarusaŭ i zamiežnikaŭ našu historyju, našy lehiendy. My bačym, što treba rabić niejki biełaruski nacyjanalny pradukt», — patłumačyŭ Lichačeŭski.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA14
Kamientary