Zabarona rekłamy moža aznačać kaniec rasijskaha płatnaha TB

Dziasiatki małych rasijskich televizijnych kanałaŭ mohuć začynicca paśla taho, jak zakanadaŭcy pryniali zakon ab zabaronie rekłamy na kabielnych i spadarožnikavych kanałach.

Pavialičyć

Hety zakon taksama ŭzmacniaje ciapierašniaje panavańnie dziaržaŭnych telekanałaŭ na rynku rekłamy, kažuć ekśpierty.

Niečakany zakonaprajekt Dziaržaŭnaja duma Rasii vokamhnienna pryniała na minułym tydni — try abaviazkovyja čytańni praviali ŭsiaho za dźvie siesii.

Zakon nie paŭpłyvaje na «nacyjanalnyja, univiersalna dastupnyja» telekanały, a taksama tyja, jakija majuć licenziju na naziemnaje efirnaje viaščańnie. Heta značyć, usie dziaržaŭnyja kanały, jakija ciapier daminujuć u rasijskim telebačańni.

Abaroncy zakonaprajekta kažuć, što jon nakiravany na likvidacyju niesumlennaj kankurencyi na televizijnym rynku, bo płatnyja kanały, byccam, majuć pieravahi dziakujučy źmiašanym schiemam finansavańnia, a mienavita, abanienckaj płacie i rekłamie. U toj ža čas biaspłatnyja kanały abmiežavanyja tolki rekłamaj.

Ale kiraŭniki 15 płatnych kanałaŭ, u tym liku Natalla Sindziejeva z apazicyjnaha «Doždž TV», napisali list va ŭrad, papiaredžvajučy, što zabarona budzie aznačać kaniec dla bolš čym pałovy kabielnych i spadarožnikavych kanałaŭ Rasii.

«Vyklučeńnie rekłamnaj madeli pastavić kala 150 płatnych tematyčnych kanałaŭ na miažu vyžyvańnia, — havorycca ŭ liście. — Pavyšeńnie apłaty za televizijnyja pasłuhi moža pryvieści da zrazumiełaj niezadavolenaści spažyŭcoŭ».

Aŭtary lista taksama papiaredzili, što novy zakon budzie chvaravitym i dla małoha, i siaredniaha biznesu, pradstaŭniki jakoha rekłamujucca na płatnych telekanałach, bo «tolki pradstaŭniki bujnoha biznesu mohuć sabie dazvolić rekłamu na dziaržaŭnych kanałach».

Vyciaśnieńnie niezaležna nastrojenych kanałaŭ

Mnohija ekśpierty ličać, što Rasija pavinna pryniać zakony, jakija b rehulavali padpiski i płaciažy za płatnyja telekanały, kolkaść jakich rezka ŭzrasła za apošniaje dziesiacihodździe. Ale mała chto ličyć, što zabarona rekłamy źjaŭlajecca pravilnym rašeńniem.

«U płatnych kanałaŭ sapraŭdy niama adzinaj sistemy apłaty, tamu sparadkavać ich ź niejkaha boku nieabchodna, — ličyć televizijny krytyk rasijskaj haziety «Komsomolskaja pravda» Alaksandr Mielman. — Ale ja nie razumieju, pry čym tut kamiercyjnaja rekłama, tamu što ŭ nas usio jašče jość rynkavaja ekanomika. Tamu kanały mohuć vyžyvać u tym liku i takim čynam. Heta narmalna».

Mielman kaža, što hety zakon, mahčyma, pryniali dziela taho, kab paźbiehnuć isnavańnia niezaležna nastrojenych kanałaŭ, jak «Doždž TB», na rasiejskim miedyja-rynku z dapamohaj rekłamy. U toj ža čas heta dapamoža zachavać praktyčna poŭnuju manapoliju dziaržaŭnych telekanałaŭ na televizijnuju rekłamu.

Pa dadzienych Asacyjacyi kamunikacyjnych ahienctvaŭ Rasii, na dolu biaspłatnych šyrokaviaščalnych kanałaŭ prychodzicca bolš za 97% rynka televizijnaj rekłamy ŭ krainie, jakija ŭ minułym hodzie zarabili na hetym 4,4 młrd dalaraŭ.

• 0
• 0
• 0
• 0
• 0
• 0
• 0
• 0