Były palitviazień Alaksandr Franckievič 20 maja vyzvaliŭsia z centra izalacyi pravaparušalnikaŭ u Minsku paśla 25-sutačnaha aryštu.
Jaho pryjšli sustrakać prykładna dva dziasiatki čałaviek, u tym liku siabry, svajaki, pravaabaroncy i žurnalisty. U 18.40 maci aktyvista zdoleła datelefanavacca ŭ CIP, dzie joj paviedamili, što Alaksandr užo vyjšaŭ na volu.
U 19.20 udałosia pa telefonie pahutaryć z samim Franckievičam, i jon paviedamiŭ, što ź CIP jaho advieźli va UUS Savieckaha rajona, paśla čaho adpuścili.
Aktyvist byŭ zatrymany supracoŭnikami pravaachoŭnych orhanaŭ viečaram 25 krasavika, napiaredadni tradycyjnaj akcyi apazicyi «Čarnobylski šlach», kali viartaŭsia z pracy dadomu. 28 krasavika sud Savieckaha rajona Minska pryhavaryŭ jaho da 25 sutak aryštu nibyta za niepadparadkavańnie supracoŭnikam milicyi i niecenzurnuju łajanku ŭ hramadskim miescy.
Aryšty Franckieviča i inšych hramadskich aktyvistaŭ pravaabaroncy nazvali previentyŭnymi — takim čynam, na ich dumku, ułady imknulisia paźbiehnuć mahčymych akcyj pratestu padčas čempijanatu śvietu pa chakiei. Pavodle źviestak pravaabaroncaŭ, napiaredadni i padčas čempijanatu ŭ Minsku było zatrymana bolš jak 30 hramadskich aktyvistaŭ.
Franckievič byŭ pryznany palitviaźniem paśla taho, jak u mai 2011 hoda jaho asudzili pa hetak zvanaj spravie anarchistaŭ. Franckievič i jašče čaćviora aktyvistaŭ anarchisckaha ruchu byli pryznanyja vinavatymi ŭ złosnym chulihanstvie i naŭmysnym źniščeńni majomaści (praviadzieńni niesankcyjanavanaj antyvajennaj akcyi kala budynka Minabarony ŭ 2009 hodzie, a taksama zakidvańni butelkami z zapalnaj sumieśsiu terytoryi pasolstva Rasii ŭ Minsku i budynka centra izalacyi pravaparušalnikaŭ na vulicy Akreścina ŭ 2010 hodzie). Aprača hetaha, Franckievič byŭ pryznany vinavatym u niesankcyjanavanym dostupie da kamp`iutarnaj infarmacyi, kamp`iutarnym sabatažy i raspracoŭcy, vykarystańni abo raspaŭsiudžvańni škodnych prahram. Sud pryhavaryŭ Franckieviča da troch hadoŭ pazbaŭleńnia voli. U pačatku vieraśnia 2013 hoda jon vyjšaŭ na volu.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu6
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary