Zbornik liryki maładych biełaruskich paetaŭ «In Vilnia veritas» («Iścina ŭ Vilni») prezentavali ŭ muzei Maksima Bahdanoviča 3 kastryčnika.
Zbornik liryki maładych biełaruskich paetaŭ «In Vilnia veritas» («Iścina ŭ Vilni») prezentavany ŭ muzei Maksima Bahdanoviča 3 kastryčnika. Prezentacyja zładžanaja ŭ miežach paetyčnaha festyvalu «Paradak słovaŭ», jaki adbyvajecca ŭ Biełarusi ad 2 pa 7 kastryčnika.
Vychad knižki staŭsia vynikam paetyčnaha konkursu, jaki ładziŭ biełaruski PEN‑centar da stahodździa hazety «Naša Niva». Kuratary prajektu — krytyk Hanna Kiślicyna i paet Andrej Chadanovič.
Andrej Chadanovič ŭ časie adkryćcia prezentacyi skazaŭ pra aŭtaraŭ zborniku:
«Vielmi sympatyčnaja, jak na mianie, kahorta nia tolki paetaŭ, ale i prazaikaŭ. Zbolšaha biełaruskamoŭnych, ale i tych, chto piša pa‑rasiejsku: pieramožcy Respublikanskaha konkursu «Stahodździe «Našaj Nivy». Ja dumaju, što heta nie apošniaja ŭ Miensku i ŭ Biełarusi prezentacyja hetaj knihi. Vielmi sympatyčny, jak na mianie, vybar aŭtaraŭ».
Z 80‑ci dasłanych aŭtaraŭ žury abrała 22 ŭdzielniki ź Miensku, Viciebsku, Mahilevu, mazyra, Krupak, Vitenberhu i Bieraścia. Imiony finalistaŭ: Kirył Duboŭski, Siarhiej Karbanovič, Aleś Kudrycki Nastaśsia Mancevič, Siaržuk Miadźviedzieŭ, Andrej Pakroŭski, Siroška Pistončyk i Ŭłasik Smarkač (pseŭdanimy), Vital Ryžkoŭ, Alaksiej Saroka, Hanna Sierachan, Siaržuk Siemianiuk, Natałka Charytaniuk, Julija Šedźko, Viktar Yvanoŭ, Julija Jafimovič, Andrej Adamovič i Vijaleta Pačkoŭskaja.
Prysutnyja na imprezie u muzei Maksima Bahdanoviča stalisia pieršymi, chto pabačyŭ zbornik «In Vilnia veritas» u Miensku, jaki tolki vyjšaŭ z drukarni.
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Kamientary