22:35
Marš miljonaŭ pa-za Kijevam: Lvoŭ, Łuhansk, Łuck, Roŭna, Varšava, Praha — fota i videa
19:45
Marš miljonaŭ — videarepartaž «NN»
19:00
18:25
18:20
ES nahadaŭ Janukoviču pra hramadzianskija svabody. Eštan jedzie va Ukrainu
Prezident Jeŭrakamisii Žaze-Manuel Barozu nahadaŭ 8 śniežnia ŭ telefonnaj razmovie prezidentu Viktaru Janukoviču ab nieabchodnaści pavažać hramadzianskija svabody ŭkrainskaha narodu, prajaŭlać strymanaść i vyrašyć situacyju, jakaja ŭźnikła va Ukrainie, šlacham dyjałohu z apazicyjaj. Na nastupnym tydni Kijeŭ naviedaje viarchoŭny pradstaŭnik ES Ketryn Eštan paviedamlaje «Ukrainskaja praŭda»
18:00
SBU pačała rasśledavańnie ŭ suviazi ź dziejańniami, nakiravanymi na zachop dziaržaŭnaj ułady ŭ Ukrainie
17:50
Jak vyhladaje Marš miljonaŭ ź vierchaviny jołki — videa
Žurnalist ukrainskaj słužby radyjo «Svaboda» Andrej Dubčak źniaŭ Jeŭramajdan z vyšyni niedabudavanaj jełki.
17:20
Milicyja achoŭvaje mitynh «citušak» — foty
16:35
16:48
Apazicyja abviaściła ab pašyreńni Jeŭramajdanu
16:35
Apazicyja daje Janukoviču 48 hadzin
Apazicyja abiacaje zabłakavać Miežyhorje, kali na praciahu 48 hadzin ŭrad Mikałaja Azarava nie budzie ŭ adpraŭleny ŭ adstaŭku, paviedamlaje «Ukrainskaja praŭda».
Pra heta zajaviŭ deputat ad «Baćkaŭščyny» Siarhiej Pašynski na čale kałony apazicyi, jakaja adpraviłasia ŭ Administracyju prezidenta ź mitynhu na Majdanie Niezaležnaści. «Janukovič, my tabie dajom 48 hadzin. Kali za hety čas Zacharčanka nie budzie aryštavany, kali ŭrad Azarava nie budzie adpraŭleny ŭ adstaŭku, kali nie buduć vyzvalenyja palitviaźni — my idziem na Miežyhorje», — zajaviŭ jon. Pa słovach Pašynskaha, u niadzielu pratestoŭcy źbirajucca zabłakavać «nahłucha» AP i Kabmin.
16:30
Milicyja nie pieraškadžaje budavać barykady va ŭradavym kvartale
Milicyjanty, jakija zabiaśpiečvajuć pravaparadak u centralnaj častcy Kijeva, pakul nie pradprymajuć nijakich aktyŭnych dziejańniaŭ, niahledziačy na ŭźviadzieńnie barykadaŭ va ŭradavym kvartale.
«Pravaachoŭniki stajać u łancužkach kala adminbudynkŭ i źviartajucca da mitynhoŭcaŭ z prośbaj nie stvarać pravakacyj», pieradaje ahienctva «Interfaks-Ukraina» infarmacyju z kijeŭskaj milicyi.
Tak, pravaachoŭniki vystavili kardony la budynkaŭ Administracyi prezidenta, Kabinieta ministraŭ, a taksama Viarchoŭnaj Rady Ukrainy. Kala budynka ŭkrainskaha parłamienta kardon pravaachoŭnikaŭ padzialaje praciŭnikaŭ dziejnaj ułady i prychilnikaŭ Partyi rehijonaŭ, jakija pravodziać mitynh u Maryinskim parku ŭ padtrymku prezidenta Ukrainy i dziejučaha ŭrada.
16:05
16:00
15:50
Mitynhoŭcy ładziać barykady na podstupach da budynka Kabmina
Jak pieradaje karespandent ahienctva «Interfaks-Ukraina», u ciapierašni čas prychilniki apazicyi, siarod jakich šmat aktyvistaŭ VA «Svaboda», ustaloŭvajuć na prajeznaj častki vulicy zaharodu z padručnych materyjałaŭ.
15:20
Marš miljonaŭ pierachodzić va ŭradavy kvartał: «Dziejničajem małymi hrupami, pa 30—50 tysiač čałaviek»
«Dziejničajem małymi hrupami, pa 30—50 tysiač čałaviek», — zaklikaŭ pratestoŭcaŭ paplečnik Julii Cimašenki Alaksandr Turčynaŭ.
Jon zaklikaŭ demanstrantaŭ zabłakavać budynki Administracyi prezidenta i Kabinieta ministraŭ. Kałony ruchajucca z Majdana Niezaležnaści ŭharu, u bok kvartała z uradavymi budynkami.
Pratestoŭcy majuć pastavić vakoł uradavych budynkaŭ svaje namioty.
15:18
Ad sta tysiač da miljona
Pakul što niama dakładnych źviestak pra kolkaść udzielnikaŭ niadzielnaj akcyi. Ukrainskija ŚMI spasyłajucca na składanaść padlikaŭ i toje, što ludzi ŭvieś čas padchodziać. Ahučanyja presaj i apazicyjaj ličby značna adroźnivajucca.
Paviedle «Interfaks-Ukraina» dy UNIAN na Mjdanie i prylehłych vulicach sabrałasia bolš za 100 tysiač čałaviek.
Pavodle ŭkrainskaj apazicyi, na Majdanie i prylehłych vulicach sabrałasia kala miljona čałaviek.
14:45
Poŭny Majdan — fotafakt
Fota Baťkivŝina
14.25
Pad ścienami Łukjanaŭskaha izalatara patrabujuć vyzvaleńnia zatrymanych 1 śniežnia na Bankavaj aktyvistaŭ.
14.20
Paśla malebna pieršaje słova dali Mirasłavu Papoviču — 83-hadovamu fiłosafu, jaki začytaŭ zvarot intelihiencyi. Intelihiencyja zaklikała da adstaŭki ŭrada i dyjałohu apazicyi ź Janukovičam.
Dalej byŭ začytany zvarot ad źniavolenaj Julii Cimašenki. Cimašenka zaklikała apazicyju nie ŭstupać u pieramovy ź Janukovičam. Jana taksama papiaredziła, što pieramoha nie budzie imhniennaj i zaklikała zrabić tak, kab siłavy varyjant razhonu byŭ niemahčymy.
Paśla vystupiŭ papularny piśmieńnik Juryj Andruchovič. Jon ad imia intelihiencyi patrabuje viartańnia da Kanstytucyi ŭ varyjancie 2004 hoda i padpisańnia damovy ź ES.
14:00
Sotni tysiač na vulicach Kijeva
Fota Rojterz
Vieča na Majdanie Niezaležnaści pačałosia z malebna, jaki praviali pradstaŭniki roznych cerkvaŭ, u tym liku kardynał Lubamir Huzar.
Centr Kijeva — nie tolk płošča, ale i Chryščacik i prylehłyja vulicy, zapoŭnieny i kantralujucca mitynhoŭcami.
Vulicy Instytuckaja, Lipskaja, Šaŭkavičnaja pierakryty aŭtobusami, jakija sčepleny miž saboj trosami, paviedamlaje «Interfaks-Ukraina».
Na vulicach jość ludzi z samych roznych sacyjalnych słajoŭ i rehijonaŭ Ukrainy. Nad viečam možna pabačyć i niekalki dziasiatkaŭ biełaruskich ściahoŭ.
Pratesty, nahadajem, pačalisia, kali ŭrad Janukoviča pad ciskam Rasii admoviŭsia ad užo ŭzhodžanaha padpisańnia Damovaŭ ab asacyjacyi i zonie svabodnaha handlu ź Jeŭrasajuzam. Miž tym ukraincy źviazvali ź jeŭraintehracyjaj spadziavańnie na palapšeńnie ekanamičnaj situacyi i evalucyju režymu ŭ krainie.
Paśla sproby razhonu Majdanu 30 listapada pratesty nabyli masavy charaktar. Mitynhoŭcy zachapili centr Kijeva i patrabujuć adstaŭki ŭrada. Adnak va ŭmovach, kali Janukovič kantraluje Viarchoŭnuju Radu, a jahonyja siabry-aliharchi — bolšaść pradpryjemstvaŭ i siłavyja struktury, apazicyi nie tak prosta znajści sposab vykanańnia hetych patrabavańniaŭ zakonnym čynam.
13:45
Kijeŭskaje mietro pierahružanaje, pasažyry skandujuć «Słava Ukrainie!» i śpiavajuć himn
Mietro Kijeva ŭ niadzielu 8 śniežnia pierahružanaje niby ŭ hadzinu pik pracoŭnaha dnia, paviedamlaje «Intefaks-Ukraina».
Asnoŭny ciažar loh na centralnyja stancyi — adsiul na Majdan źbirajucca ŭdzielniki Maršu miljona. Pasažyry pieryjadyčna skandujuć «Słava Ukrainie!» i śpiavajuć dziaržaŭny himn.
13:40
Na vulicy Bankavaj u Kijevie prajšoŭ fłeš-mob «Nie bi. Kachaj. Abaraniaj»
Na vulicy Bankavaj u Kijevie prajšoŭ fłeš-mob «Nie bi. Kachaj. Abaraniaj». Dziaŭčaty ŭ nacyjanalnych strojach padaryli bajcam «Bierkutu» kvietki, a niekatory i pacałunki. Pierad šeraham śpiecnazaŭcaŭ razharnuli płakat z adpaviednym zaklikam.
13:25
Partyi rehijonaŭ zajaviła pra 15-tysiačny mitynh svaich prychilnikaŭ
Na mitynhu «Pabudujem Jeŭropu va Ukrainie» ŭ padtrymku stratehičnaha kursu prezidenta Ukrainy Viktara Janukoviča ŭ Maryinskim parku ranicaj ranicaj 8 śniežnia sabrałasia bolš za 15 tys. Aktyvistaŭ, paviedamlaje pres-słužba Partyi rehijonaŭ. «Mitynhoŭcy vystupajuć za mirnaje vyrašeńnie situacyi, jakaja ŭźnikła ŭ krainie, a taksama asudžajuć dziejańni lidaraŭ apazicyjnych sił, nakiravanyja na raskoł hramadstva», — havorycca ŭ paviedamleńni. Pierad mitynhoŭcami vystupajuć narodnyja deputaty, členy parłamienckaj frakcyi Partyi rehijonaŭ i hramadskija aktyvisty, paviedamlaje ŭkrainskaja słužba radyjo «Svaboda».
12:00
Pad Kijevam «maładafrontaŭcam» prabili koły ŭ aŭto
Heta zdaryłasia 7 śniežnia ŭ časie pravierki mašyny supracoŭnikami DPS.
«Za 90 km da Kijeva nas spyniŭ atrad DPS i padčas pravierki dakumientaŭ u mašyny niechta prabiŭ koły», — paviedamiŭ radyjo «Svaboda» maładafrontaviec Mikałaj Dziamidzienka.
Anałahičny incydent adbyŭsia ź inšaj mašynaj ź biełarusami, jakija jechali na Majdan, učora.
11:30
Ministr unutranych spraŭ Ukrainy źviarnuŭsia da žycharoŭ i haściej Kijeva
Ministr unutranych spraŭ Ukrainy Vital Zacharčanka zajaviŭ, što kryminahiennaja situacyja ŭ Kijevie abvastrajecca i abiacaje pryciahnuć da adkaznaści tych, chto pahražaje supracoŭnikam pravaachoŭnych orhanaŭ, sudździam i ich siemjam.
Pra heta havorycca ŭ zvarocie ministra da kijaŭlanaŭ i haściej stalicy, apublikavanym napiaredadni na sajcie MUS. U pryvatnaści, kiraŭnik MUS adznačyŭ, što manitorynh srodkaŭ masavaj infarmacyi śviedčyć ab razhortvańni suprać MUS «maštabnaj, skažonaj, pabudavanaj niaredka na niepravieranych dadzienych, infarmacyjnaj prapahandy», paviedamlaje «Ukrainskaja praŭda».
***
Lidar partyi «UDAR» Vital Kličko zaklikaŭ kijeŭcaŭ u niadzielu a 12:00 (13:00 pa Minsku) sabracca na Majdanie Niezaležnaści na narodnaje vieča.
Ab hetym Kličko zajaviŭ, vystupajučy na Majdanie Niezaležnaści pierad mitynhoŭcami, paviedamlaje Unian.
«Zaklikaju kijaŭlan zaŭtra a 12:00 pryjści na Majdan. Zaŭtra (majecca na ŭvazie niadziela) — usieahulnaja mabilizacyja. Tyja, chto nie zmohuć pryjechać u Kijeŭ, pavinny arhanizavać mitynhi ŭ svaich haradach», — skazaŭ Kličko.
Jon jašče raz padkreśliŭ, što zadačaj Majdana źjaŭlajecca:
— patrabavańnie da dziejučaj ułady pakarać tych, chto maje dačynieńnie da źbićcia studentaŭ u noč na 30 listapada;
— adstaŭka ŭrada Mikałaja Azarava,
— praviadzieńnie daterminovych prezidenckich vybaraŭ i padpisańnie pahadnieńnia ab asacyjacyi ź ES.
Na viečar suboty na hałoŭnaj płoščy stalicy Ukrainy znachodzicca kala 15 tys čałaviek, dadaje Unian.
Pratesty ŭ Kijevie pačalisia 21 listapada paśla zajavy premjera Azarava, što Ukraina nie budzie padpisvać pahadnieńnie ab asacyjacyi ź ES.
Manifiestacyja 24 listapada sabrała kala 100 tys. čałaviek, praz tydzień, 1 śniežnia, na vulicy Kijeva vyjšli, pa roznych padlikach, ad 500 tys. da 1 młn čałaviek,
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu8
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary