Інфармацыю пра дэвальвацыю да 15 000 рублёў за даляр даў «Беларускі партызан».
Інфармацыю пра запланаваную ў Беларусі новую дэвальвацыю — да 15 тысяч рублёў за даляр ЗША — у Нацыянальным банку назвалі «адкрытым трызненнем».
Звесткі пра тое, што рашэнне аб правядзенні новай дэвальвацыі было прынята на днях на закрытай нарадзе, распаўсюдзіў раніцай 30 ліпеня са спасылкай на крыніцу ў Нацбанку
Паводле інфармацыі крыніцы, на нарадзе абмяркоўваліся наступствы павышэння сярэдняга заробку да 500 даляраў, і асноўным вынікам стала «прыняцце рашэння аб правядзенні новай дэвальвацыі».
«Адзін з верагодных сцэнараў мае на ўвазе давядзенне курсу рубля да 15 тысяч за даляр», — паведаміў ананімны чыноўнік.
«У якасці абгрунтавання правядзення новай дэвальвацыі прапанецца паведамляць насельніцтву, што дэвальвацыя спрыяльна адбіваецца на экспарце прадукцыі, дазваляе мець пазітыўнае сальда плацежнага балансу і пагашаць знешнія даўгі, — цытуе
Адзін чыноўнік з Адміністрацыі таксама ўнёс прапанову запусціць „качку“, што нібыта дэвальвацыю справакавалі замежныя кампаніі з мэтай скупкі за бясцэнак беларускіх прадпрыемстваў».
Паведамляецца таксама, што «ў якасці асноўнай меры кантролю над сітуацыяй на пасяджэнні разглядалася пытанне замарозкі ўкладаў і абмежаванні па зняцці наяўнасці ў банкаматах», што, па дадзеных крыніцы ў Нацбанку, можа адбыцца «ўжо ў кастрычніку».
«Я бачыў гэтую інфармацыю, але адкрытае трызненне мы не каментуем», — заявіў БелаПАН
Нагадаем, першая дэвальвацыя нацыянальнай валюты адбылася ў Беларусі 2 студзеня 2009 года, калі курс рубля да даляра быў зніжаны на 20,45%. Наступная дэвальвацыя, на 56,3%, была праведзена 24 мая 2011 года.
14 верасня таго ж года
На сённяшні дзень курс складае 8.260 рублёў за даляр ЗША. Паводле прагнозаў Нацбанка, сярэднегадавы курс па выніках 2012 года павінен скласці 9.150 рублёў за даляр.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары