Да боляў у хрыбетніку дадаліся моцныя галаўныя болі.
Вольга Бандарэнка больш за два тыдні не атрымлівала лістоў ад Зміцера Бандарэнкі. Сёння атрымала ажно тры.
У яго яшчэ больш пагоршылася здароўе. Пра што ён піша ў лістах, кажа Вольга Бандарэнка:
- Сёння атрымала тры лісты. Ён піша якраз, што
быў вельмі цяжкім снежань, былі моцныя галаўныя болі.Мала таго, што хрыбетнік баліць, і гэта стала ўжо звыклым болем, да гэтага дабавіўся яшчэ і нязвыклы для яго боль. Вярхоўны суд адмовіў. І ўмоўна-датэрміновае вызваленне ў яго магло быць, але яму адмовілі. Ва ўсім адмовілі. Таму надзей няма.
Зміцера Бандарэнку ўтрымліваюць ў Магілёўскай калоніі. У датэрміновым вызваленні яму адмовілі.
У зняволенні палітвязень перанёс аперацыю на хрыбетніку.Пісаць прашэнне аб памілаванні на імя Аляксандра Лукашэнкі Зміцер Бандарэнка адмовіўся.
У часе прэзідэнцкіх выбараў 2010 года Бандарэнка быў актывістам штабу кандыдата ў прэзідэнты Андрэя Саннікава.
Зміцер Бандарэнка асуджаны на два гады калоніі агульнага рэжыму.
Цяпер чытаюць
У Еўрасаюзе 550 тысяч беларусаў з дазволамі на жыхарства3
Каментары