Такі варыянт разглядае Міністэрства адукацыі.
У Беларусі будзе паэтапна павышацца аплата за ўтрыманне дзяцей у дашкольных установах адукацыі, паведаміў намеснік міністра адукацыі Казімір Фарыно.
Паводле яго слоў,
сёння гэта аплата складае штомесяц ад 40 да 80 тыс. рублёў у залежнасці ад віду і тыпу ўстановы адукацыі. Гэта сума пакрывае толькі 40% кошту харчавання дзяцей.Фарыно прывёў у параўнанне кошт наведвання дзіцем дашкольнай установы «на Захадзе», якая, паводле яго слоў, складае ад 400 да 800 еўра за месяц.
«Безумоўна, будзе адбывацца павышэнне аплаты за ўтрыманне дзяцей у дашкольнай установе, але гэта будзе адбывацца паэтапна, паслядоўна, з улікам фінансавага стану ў цэлым нашай дзяржавы, эканомікі», — сказаў Фарыно. Паводе яго слоў, вывучаецца таксама магчымасць дыферэнцыяцыі аплаты за ўтрыманне дзяцей у дашкольнай установе ў залежнасці ад даходаў бацькоў.
Намеснік міністра таксама паведаміў, што з улікам цяперашняй эканамічнай сітуацыі існуе праблема ў забеспячэнні харчавання дзяцей у дашкольных установах у адпаведнасці з нарматывамі, распрацаванымі ў Міністэрстве аховы здароўя. «Хацелася б, каб бацькі правільна ўспрымалі гэта», — прадоўжыў Фарыно. Паводле яго слоў, бацькі дашкольнікаў маюць права ўносіць даплату на харчаванне дзяцей праз папячыцельскія саветы. Гэта дазволіць поўнасцю выканаць «грашовыя і натуральныя» нормы харчавання.
Фарыно зазначыў, што
зборы сродкаў з бацькоў праз папячыцельскі савет установы адукацыі — легальныя і публічныя;усе астатнія «зборы, паборы ў сістэме адукацыі з’яўляюцца неафіцыйнымі і незаконнымі».
Цяпер чытаюць
Украінская мадэль згуляла з грузінскім бізнэсменам вяселле ў Канах на 5 мільёнаў еўра. Вядучымі былі Яўген Перлін і Максім Галкін13
Каментары