43‑гадовую ўраджэнку Беларусі знайшлі мёртвай у італьянскай Перуджы
Паліцыя не знайшла на целе слядоў гвалту, але не выключае забойства, піша «Еўрарадыё».
Жанчына, імя якой не называецца, знікла ў мінулую суботу, 27 верасня. Яна не адказвала на тэлефанаванні і не адкрывала дамафон. Сяброўка беларускі звярнулася ў паліцыю, а калі тая ўзламала дзверы ў кватэру, дзе жанчына жыла — яе цела знайшлі на падлозе.
Дэталі здарэння павінны будуць высветліцца пасля анатамавання. На гэты момант найбольш верагоднай версіяй следчым падаецца ўскладненне хваробы.
Каментары