18 ліпеня ў Грузіі з-пад арышту вызвалілі грамадзяніна Беларусі, які раней быў затрыманы на тры месяцы. Такое рашэнне прыняў Тбіліскі гарадскі суд, паведаміў выданню «Позірк» брэсцкі праваабаронца Раман Кісяляк, які цяпер жыве ў Грузіі.
«Арышт заменены неабходнасцю адзначацца ў Дэпартаменце міграцыі МУС раз на два тыдні. У той жа час той бок мае права абскардзіць рашэнне суда», — сказаў Раман Кісляк.
Як паведамлялася раней, 14 ліпеня беларус (ягонае імя не агалошваецца з меркаванняў бяспекі) звярнуўся ў міграцыйную службу з просьбай аб палітычным прытулку. Спачатку яго заяву прынялі, але потым вярнулі, а самога мужчыну затрымалі і змясцілі ў ізалятар.
Прычынай затрымання стала тое, што яго пашпарт пратэрмінаваўся яшчэ ў 2020 годзе, і ён не пакідаў краіну, каб абнавіць тэрмін знаходжання (візаран). Памяняць пашпарт праз беларускую амбасаду ён баяўся з-за рызыкі пераследу.
Паводле дзяўчыны затрыманага, яго пачалі шукаць беларускія сілавікі з-за рэпостаў з «экстрэмісцкіх» рэсурсаў. У Грузіі ён жыве з 2016 года, а да 2020-га яшчэ ездзіў у Беларусь.
15 ліпеня суд вырашыў змясціць яго пад трохмесячны арышт. Але пасля атрымалася афіцыйна падаць і зарэгістраваць заяву на прытулак, а згодна з грузінскім заканадаўствам у такой сітуацыі суд мусіў пацвердзіць яго статус як просьбіта прытулку.
Праваабаронца паведаміў, што мужчыну прывезлі на пасяджэнне суда, а яго інтарэсы абаранялі два найманыя адвакаты.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары