Здымкі са спадарожнікаў сведчаць пра расійскія праблемы з папаўненнем запасаў вайсковай тэхнікі
Спадарожнікавыя здымкі засведчылі, што на складзе Омскага аўтабранятанкавага інстытута практычна скончыліся запасы вайсковай тэхнікі, заўважыў украінскі рэсурс Militarnyi.
У 2021 годзе на гэтай пляцоўцы захоўвалася каля 120 танкаў, 89 БТРаў, 41 БМП і 54 гарматы «Рапіра», але на здымках за красавік 2025 года бачна, што ўся гэтая тэхніка ўжо вывезена. Засталося толькі некалькі дзясяткаў грузавікоў і інжынерных машын.
Гэты інстытут — адзіная вышэйшая навучальная ўстанова ў Расіі, якая рыхтуе спецыялістаў у галіне рамонту і абслугоўвання бранятэхнікі. Тое, што тэхніку пачалі забіраць нават са складоў навучальных устаноў, сведчыць пра сур'ёзныя праблемы з запасамі ў расійскай арміі.
Аналітыкі зафіксавалі, што тэмпы рамонту і вяртання танкаў у строй з 2022 па 2025 год значна знізіліся. Калі раней штогод раскансервоўвалі тысячы танкаў, то за апошні год толькі 342. Усё гэта сведчыць пра тое, што расіянам цяжка знаходзіць для рамонту тэхніку ў добрым стане, і заводы працуюць павольней.
Да пачатку 2025 года на асноўных базах заставалася толькі каля 3,5 тысячы танкаў, пры гэтым колькасць танкаў у рамонце на заводах пачала змяншацца.
Выпуск новых танкаў таксама вельмі нізкі — напрыклад, Т-90М вырабілі толькі 164 адзінкі за тры гады. Гэта недастаткова, каб пакрыць страты на вайне.
Залужны: Гэта новы тып вайны. 15 км ад лініі фронту — цяпер зона суцэльнай смерці. Авіяцыя і флот страцілі сваё значэнне
Пуцін ужо перамалоў амаль усю спадчыну савецкага ВПК. Ці зменшыць гэта інтэнсіўнасць вайны?
Знясіленыя вайной. Захад яшчэ дапамагае Украіне трымацца, але ўжо не дапамагае перамагаць
Разведка Украіны: Беларуская армія не здольная на маштабныя баявыя дзеянні
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы8
Каментары