«Сёння роўна 6 месяцаў, як я беспрацоўны. На вялікі жаль, усе мае шматлікія спробы працаўладкавацца ў Рагачове пакуль не прынеслі выніку»,
— канстатаваў экс-сенатар, былы галоўны рэдактар газеты «Свабоднае слова» Рагачоўскага райвыканкама Андрэй Шышкін у сваім тэлеграм-канале.
У каментарыях да паста ён адказаў былому калегу Віктару Ільюшчанку, што ў мясцовую газету яго таксама не бяруць — пры тым, што там ёсць вольныя працоўныя месцы.
52-гадовы Шышкін быў галоўным рэдактарам рагачоўскай раённай газеты, членам райвыканкама, старшынёй раённай арганізацыі «Белай Русі», членам Савета Рэспублікі Нацыянальнага сходу 7-га склікання, дэпутатам «Парламенцкага сходу Саюза Беларусі і Расіі».
Яго апошняе месца працы — газета «Мазырскі нафтаперапрацоўшчык». У лістападзе 2024 года мужчына сышоў адтуль праз «сямейныя абставіны».
У родным Рагачове ён паспрабаваў зарэгістравацца ў якасці беспрацоўнага, але сутыкнуўся з бюракратыяй і раскрытыкаваў дзяржсістэму, піша «Флагшток».
У райвыканкаме затым выказалі сваю пазіцыю, заявіўшы, што прапаноўвалі прапагандысту «прадстаўнічую працу», але той адмовіўся.
Шышкін стаў вядомы ў 2019 годзе тым, што выказваў нянавісць да беларусаў, распаўсюджваў абразы і заклікі да забойства.
У загінулай у Сляпянцы дзяўчыне апазналі Яну Кастранкову2
Каментары