У Мінску выстаўлена на продаж двухузроўневая кватэра з 5 пакоямі. Размешчана яна на 11 паверсе 16-павярховага будынку на вул. Ціміразева. Заяўленая цана продажу — 5 млн 824 тысяч рублёў, ці каля $1,89 млн у эквіваленце. Аб'ява размешчана ў базе Realt.by.
Агульная плошча кватэры складае 334 кв. м, жылая — 204 кв.м.
Гэта двухузроўневая кватэра з дызайнерскім рамонтам, «разумным домам» і італьянскай мэбляй. Столі вышынёй 3 метры. Жыллё — у доме з павышаным узроўнем бяспекі і сістэмай відэаназірання. Раней у кватэры ніхто не пражываў, сцвярджае прадавец.
Рамонт выкананы паводле аўтарскага дызайнерскага праекта, а ўся мэбля — з Італіі.
Каментары