«Як у Лондане ці Мадрыдзе». У Брэсце будуюць незвычайны жылы комплекс з цаной метра ад 4300 рублёў
Брэст працягвае здзіўляць. Хутка ў цэнтры горада на вуліцы Фаміна, 33 пачнецца будаўніцтва комплексу дамоў, знешні выгляд якіх натхнёны лонданскай і мадрыдскай архітэктурай. Клінкерны фасад, функцыянальныя планіроўкі, прасторныя тэрасы — усё ўжо можна ацаніць на візуалізацыях, піша Onliner.
Забудоўшчыкам выступае «Палессежылбуд». Жылы комплекс атрымаў назву «.ЦЭНТР». Ён размесціцца на скрыжаванні вуліц Гогаля і Фаміна. Квартал аб'ядноўвае дзве ключавыя лакацыі горада: набярэжную і парк культуры і адпачынку. Недалёка ад дома знаходзіцца Брэсцкая крэпасць і гарадскі сад.
Тэрыторыя каля дома будзе абгароджана. Там уладкуюць дзіцячую пляцоўку, велабокс і зоны адпачынку. На першых паверхах прадугледжаны камерцыйныя памяшканні: магазіны, кафэ і пункты выдачы заказаў.
Вонкава дом будзе вылучацца фасадамі ў еўрапейскім стылі, выкананымі з клінкернай цэглы.
— Новы дом увасобіць у сабе тэндэнцыі сучаснай еўрапейскай архітэктуры, — упэўнены забудоўшчык. — Перш за ўсё, гэта будзе прыгожы будынак з фасадамі, якімі захочацца любавацца. Мы пастараліся падкрэсліць перавагі Брэста як паўднёвага горада.
У парадных запраектаваны месцы для захоўвання калясак, веласіпедаў і іншага інвентара.
Кватэры ў доме будуць мець сярэднія і па факце самыя запатрабаваныя плошчы — ад 59 да 82 кв. м. Яны ўжо паступілі ў продаж. Кошт метра — ад 4300 рублёў.
Забудоўшчык чакае, што першымі пойдуць кватэры з тэрасамі і балконамі на два бакі. Такія планіроўкі лічацца рэдкасцю.
Першы дом у комплексе будзе здадзены ў эксплуатацыю ў жніўні 2025 года.
Цяпер чытаюць
У Гомелі сілавікі ўзнагародзілі таямнічых герояў. Хто яны?1
Каментары