П'яная выхавацелька дзіцячага садка ўбачыла на камодзе ў кавалера з Зыбіцкай $600 — а пасля як памяць адшыбла
Міліцыя расказала дзяўчыне, што яна забрала грошы і ўцякла ад новага знаёмага.
У судзе Фрунзенскага раёна будуць разглядаць крымінальную справу ў адносінах 23-гадовай мінчанкі.
Выхавацелька дзіцячага садка не мела праблем з законам — пакуль не трапіла ў бар на Зыбіцкай.
Дзяўчына пазнаёмілася там з хлопцам, які запрасіў яе да сябе ў кватэру на вуліцы Кірэенкі.
Паколькі ў мужчыны не аказалася наяўнасці, ён падняўся з дзяўчынай у кватэру, узяў грошы, а пасля ненадоўга выйшаў, каб разлічыцца з таксістам, пакінуўшы яе адну.
Калі хлопец вярнуўся, выхавацелькі ўжо не было. Як не было і 600 даляраў і 50 еўра, якія ляжалі на камодзе. Ён пазваніў у міліцыю, сілавікі знайшлі дзяўчыну ў той жа дзень.
Яна патлумачыла, што ў бары моцна перабрала са спіртным і дрэнна памятае падзеі, якія адбываліся. У сябе дзяўчына прыйшла толькі ў незнаёмай кватэры. Паколькі фігурантка не ведала, дзе знаходзіцца, яна скінула скрыншот геалакацыі прыяцелю, папрасіўшы за ёй прыехаць.
Дзяўчына прызнала віну і раскаялася, грошы вярнула. Аднак крымінальную справу за крадзеж усё ж атрымала.
Каментары