У цэнтры Вільні зноў з'явіліся правакацыйныя надпісы. Гэтым разам каля нядаўна перайменаванага бара ФОТЫ
Гэтым разам выкананыя чырвонай фарбай надпісы заўважаныя каля віленскага бара Poliklinika на праспекце Гедыміна, які раней называўся «Пагоня», але не так даўно памяняў назву.
На сцяне каля ўваходу ў бар нехта напісаў слова «Здраднікі», а таксама паставіў трафарэтны надпіс «Вільня наша» з выявай герба «Пагоня».
Выпадкі падобнага кшталту здараюцца ў Вільні рэгулярна. Апошнія былі зафіксаваныя зусім нядаўна на будынку ЕГУ і будынку, які знаходзіцца на месцы меркаванай былой друкарні Францыска Скарыны. Вінаватых, аднак, ніколі не знаходзяць.
Ёсць аргументаваныя падазрэнні, што гэтыя правакатыўныя надпісы робяцца спецыяльна для таго, каб выклікаць негатыўнае стаўленне да беларусаў, якія жывуць у Літве, з боку літоўскіх уладаў і грамадства. У свой час мы прасачылі нават, як іх замаўляюць.
Часта ў Вільні фіксуюцца і надпісы на літоўскай мове, абразлівыя ў дачыненні да беларусаў. Многае сведчыць, што іх замоўцамі выступаюць замежныя спецслужбы, аднак выканаўцаў яшчэ таксама ні разу не выявілі.
Самыя свежыя выпадкі падобнага кшталту — распісванне дзвярэй карчмы «1863» 5 лістапада 2024 года і падпал дзвярэй Беларускага дома ноччу 26 кастрычніка. Раней акты вандалізму ўчыняліся супраць таго самага Беларускага дома, крамы «Кропка», якую трымае былы палітвязень з Беларусі, і капліцы беларускай праваслаўнай парафіі Канстанцінопальскага патрыярхата, каля офіса «Дапамогі» і на сцяне каля ЕГУ. Таксама нядаўна была апаганеная магіла каліноўца Аляксандра Царука на віленскіх могілках.
На будынку віленскай друкарні Скарыны з'явіўся чарговы правакацыйны надпіс ФОТА
У цэнтры Вільні на сцяне будынка ЕГУ зноў з'явіўся правакацыйны надпіс ФОТА
У цэнтры Вільні з'явіўся надпіс «Вільня наша» па-беларуску. Але да манеры напісання ёсць вялікія пытанні
На ўездзе ў Вільню намалявалі надпіс «Вільня наша» з бчб-сцягам. Вось як замаўляюць такія графіці
Вось што варта расказаць літоўцам пра «Пагоню»
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Бярыце Ціханоўскую, Вячорку, Красуліна і хто там у вас яшчэ на грантах і шуруйце пісаць заявы ў міліцыю і мясцовы следчы камітэт! Ніхто нас не абароніць, акрамя саміх сябе!