Улады Віцебска прынялі рашэнне ўвесці курортны збор. Гэта вынікае з рашэння, якое было апублікавана на Нацыянальным прававым інтэрнэт-партале.
Аплачваць гэты збор будуць абавязаныя фізічныя асобы, аднак існуюць пэўныя выключэнні з правілаў. Так, курортны збор ужо ўвялі ў Віцебску. Пастанова ўступае ў сілу з дня апублікавання, а новы тэкст рэгулюе адносіны, якія ўзніклі з 1 студзеня 2025 года.
Сплачваць курортны збор будуць фізічныя асобы, якія пражываюць не менш за суткі ў санаторыях, прафілакторыях, аздараўленчых цэнтрах, лагерах і дамах адпачынку (пансіянатах), што знаходзяцца на тэрыторыі абласнога цэнтра.
Разлічвацца курортны збор будзе ад кошту пуцёўкі, а калі такой няма — ад сумы платных паслуг. Стаўка курортнага збору ўстаноўлена памерам 5%.
Ад курортнага збору вызваляюцца дзеці да 18 гадоў, ветэраны Другой сусветнай вайны, інваліды I і II груп, а таксама асобы, якія іх суправаджаюць.
Акрамя таго, у гэты спіс уваходзяць ліквідатары аварыі на Чарнобыльскай АЭС, вязні фашысцкіх канцлагераў і ветэраны баявых дзеянняў на тэрыторыі іншых дзяржаў.
Таксама гэты падатак не будуць спаганяць з дзяцей, якія адпраўляюцца ў летнія лагеры, і з тых, хто едзе на аздараўленне па пуцёўцы за кошт бюджэтных сродкаў або страхавых выплат.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал16
Каментары