Беларуска і беларус здзівілі ўсіх на турніры па покеры на Багамах
Аліна Палягошка і Андрэй Пятрушчанка занялі другое і трэцяе месцы ў турніры па покеры $2,500 Mini Main Event у рамках прэстыжнай серыі 2024 WSOP Paradise, якая праходзіць цяпер на Багамах, піша Belmir.by.
У турніры, які доўжыўся тры дні, быў зарэгістраваны 2 031 уваход, кожны з якіх прынёс у агульную «скарбонку» 2 500 даляраў. Выніковы прызавы фонд атрымаўся роўным 5 077 500 даляраў.
Нейкім дзіўным збегам абставінаў, калі за фінальным сталом засталося трое гульцоў, двума з іх аказаліся беларуска і беларус, прычым яшчэ і якія з'яўляюцца парай.
Андрэй Пятрушчанка на той момант меў сур'ёзную перавагу ў фішках, але літаральна за дзве раздачы страціў яе і заняў трэцяе месца, аддаўшы ўсе «назапашванні» Джэфры Хакіму з ЗША.
А праз некалькі картачных раздач амерыканец узяў верх і над пакінутай з ім сам-насам Алінай Палягошка.
Другое і трэцяе месцы ў турніры прынеслі беларусцы і беларусу 445 400 даляраў і 344 000 даляраў адпаведна. Пераможца ж атрымаў 575 050 даляраў і бранзалет WSOP.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся9
Каментары
Беларускі адны з прыгожых ў свеце.