З пачатку года больш за 300 чалавек асудзілі за «прапаганду нацызму»
З пачатку года 313 чалавек прыцягнута ў Беларусі да адміністрацыйнай адказнасці за «прапаганду, публічнае дэманстраванне нацысцкай сімволікі або атрыбутыкі» (арт.19.10 КаАП). Пра гэта заявіў 12 снежня старшыня Вярхоўнага суда Валянцін Сукала, выступаючы ў Мінску на Міжнароднай навукова-практычнай канферэнцыі, прымеркаванай да гадавіны прыняцця Канвенцыі ААН аб папярэджанні генацыду і пакаранні за яго.
Па словах Сукалы,
«адзін чалавек прыцягнуты [да адказнасці] за рэабілітацыю нацызму [па арт. 1301 Крымінальнага кодэкса] і яшчэ адзін асуджаны за размяшчэнне такой інфармацыі ў сетцы Інтэрнэт».
«Ажыццяўленне правасуддзя па такіх крымінальных справах аказвае сур'ёзнае інфармацыйна-асветніцкае ўздзеянне на наша грамадства. Дазваляе прадставіць і распаўсюдзіць дакладную інфармацыю пра трагедыю ваеннага часу і яго наступствы», — сказаў Валянцін Сукала.
Улады ўзмацнілі барацьбу з «рэабілітацыяй нацызму» пасля прэзідэнцкіх выбараў 2020 года і масавых пратэстаў, якія рушылі за імі. Дзяржаўная прапаганда і чыноўнікі пастаянна падымаюць тэму нібыта наяўнай сувязі паміж прыхільнікамі пераменаў і нацызмам.
Беларусь будзе патрабаваць кампенсацый стратаў ад «генацыду ў гады Вялікай Айчыннай вайны»
Віцебскага доктара будуць судзіць за «рэабілітацыю нацызму». Яго страшна збілі пры затрыманні
Жыхара Мінскага раёна будуць судзіць за адмаўленне генацыду беларускага народа
Бондарава радуецца, што кагосьці затрымалі за нацысцкую сімволіку. А ў самой…
Каментары
Будуць судзіць вас як судзілі суддзяў гітлераўскай Германіі. Бо быў і Нюрнгберскі працэс над нацысцкімі судзямі.