У Гомелі былыя муж і жонка праз суд дзялілі ёлку, унітаз і котку з хаткай
Мужчына выставіў былой жонцы цэлы спіс матэрыяльных каштоўнасцей, у якім былі і нечаканыя рэчы.
Былыя муж і жонка ў Гомелі праз суд дзялілі маёмасць, а таксама котку.
Ініцыятарам справы стаў мужчына. Ён запатрабаваў ад былой жонкі маёмасць па спісе. Спіс можа выклікаць здзіўленне.
Мужчына захацеў падзяліць не толькі мэблю і тэхніку: у вопіс патрапілі шматлікія прадметы інтэр'еру, уваходная і міжпакаёвыя дзверы, матрацы, ванна, унітаз, балконныя рамы, маскітныя сеткі, разеткі і выключальнікі.
Таксама экс-муж прапанаваў падзяліць штучную ёлку, душавую шторку, лямпу для манікюру, падлогавыя і насценныя пакрыцці, плінтусы і нацяжныя столі.
На першае месца ў спісе ён змясціў пародзістую котку разам з хаткай.
Для выканання рашэння суда судовым выканаўцам прыйшлося скрупулёзна збіраць рэчы, якія мужчына запатрабаваў у былой жонкі.
Паведамляецца, што маёмасная спрэчка была вырашана. Каму ў выніку дасталася котка, а каму — яе дамок, не тлумачыцца.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары