Стала вядома прыблізнае месца падзення расійскага БПЛА ў Калінкавічах
Крыніца выдання «Флагшток» у Калінкавіцкім раёне паведаміла, што гэта адбылося на вуліцы Куйбышава ў паўднёва-ўсходняй частцы Калінкавічаў. Менавіта гэтую вуліцу раніцай перакрывала міліцыя.
Вуліца Куйбышава ў Калінкавічах забудаваная пераважна прыватнымі аднапавярховымі дамамі, таксама там размяшчаюцца некалькі прамысловых і адміністрацыйных тэрыторый і могілкі.
Дакладнае месца падзення лятальнага апарата на гэтай вуліцы невядомае.
Украінскія маніторынгавыя каналы сёння паведамілі пра ўварванне ў паветраную прастору Беларусі расійскага ўдарнага БПЛА тыпу «Шахед» з тэрыторыі Кіеўскай вобласці Украіны. Гэта адбылося каля 04:40 раніцы.
Прыкладна ў 04:55 жыхароў Калінкавічаў пабудзіў свіст падаючага БПЛА. Гук выбуху быў такой сілы, што многім сведкам здалося, што вылецяць шыбы ў вокнах. Гукавая хваля дайшла да суседніх вёсак.
Афіцыйна пра гэты выпадак пакуль што нічога не паведамлялася.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары