Афёра на 3 млрд: Nestlé гадамі прадавала ваду з крыніц з фекаліямі і бактэрыямі пад выглядам прыроднай мінеральнай
Кампанія прадала мільярды бутэлек вады, выкарыстоўваючы забароненыя метады ачысткі і уводзячы ў зман пакупнікоў.
Кампанія Nestlé з 2005 года прадала больш за 18 мільярдаў бутэлек вады пад брэндамі Contrex, Hépar або Vittel, якасць якой было эквівалентная якасці вадаправоднай вады па цане ў сто разоў вышэй.
Пра гэта стала вядома даследчай платформе Mediapart, піша lavenir.net.
У лістападзе 2020 года адзін з супрацоўнікаў групы Alma, якая выпускае ваду Cristaline, паведаміў французскім уладам, што ачыстка вады, якую прадаюць пад выглядам прыроднай мінеральнай, не адпавядае стандартам.
Першапачатковае расследаванне паказала, што 30% брэндаў вады ў Францыі, у тым ліку ад Nestlé, прадаюць ваду якасці не вышэйшай за вадаправодную, аднак па цане прыроднай мінеральнай. Прычым ачышчалі ваду з выкарыстаннем сумесяў і мінералаў, забароненых уладамі.
Па выніках праверак кампаніі Nestlé стала вядома, што многія крыніцы вады забруджаныя фекаліямі, небяспечнымі бактэрыямі і пестыцыдамі — заражэнне ў асобных выпадках перавышае норму на 85%.
Следчыя французскай пракуратуры лічаць, што гаворка ідзе не пра халатнасць, а пра свядомую стратэгію кампаніі — гэта значыць махлярства. Паводле папярэдніх падлікаў, Nestlé зарабіла на продажы фэйкавай прыроднай вады больш за 3 мільярды еўра.
Пры гэтым па законе, калі віна кампаніі будзе даказаная, ёй пагражае штраф максімум у 20 мільёнаў. Акрамя таго, службовыя асобы могуць атрымаць рэальны тэрмін да трох гадоў. Грамадскія арганізацыі, якія займаюцца кантролем якасці прадуктаў, патрабуюць ад французскіх уладаў правесці празрыстае расследаванне і пакараць вінаватых.
Шкоду, нанесеную прыродзе, а таксама здароўю спажыўцоў вады нізкай якасці, яшчэ належыць высветліць.
Цяпер чытаюць
«Каб купіць дом, працавала на нарказаводзе». Пасля 2020-га беларуска з пяццю дзецьмі пераехала ў Канаду4
Каментары