Палова выкарыстаных Расіяй паўночнакарэйскіх ракет узарвалася ў паветры, не даляцеўшы да цэлі
Украінская пракуратура заявіла, што вывучыла абломкі 21 з прыкладна 50 паўночнакарэйскіх балістычных ракет, запушчаных Расіяй у перыяд з канца снежня па канец лютага, каб ацаніць узровень пагрозы ад супрацоўніцтва Масквы з Пхеньянам, піша Reuters.
Пры гэтым у офісе генеральнага пракурора Украіны Андрэя Косціна паведамілі Reuters, што частата выпадкаў, калі паўночнакарэйская зброя давала збоі, была даволі высокай.
«Прыкладна палова паўночнакарэйскіх ракет страціла запраграмаваныя траекторыі і выбухнула ў паветры; у такіх выпадках абломкі не былі атрыманыя», — гаворыцца ў пісьмовых адказах офіса Андрэя Косціна на пытанні Reuters.
Ва ўкраінскай пракуратуры заявілі, што, калі абломкі не ўдалося сабраць у месцах удараў, то ракеты Hwasong-11, якія на Захадзе таксама называюць KN-23, ідэнтыфікавалі па траекторыях іх палёту, хуткасці і месцах запуску.
На долю паўночнакарэйскіх ракет прыпадае пакуль толькі нязначная частка расійскіх удараў падчас вайны супраць Украіны, але сам факт іх выкарыстання выклікаў трывогу ад Сеула да Вашынгтона, бо гэта можа азначаць канец амаль двухдзесяцігадовага кансэнсусу паміж пастаяннымі членамі Рады Бяспекі ААН па прадухіленне пашырэння Пхеньянам ягонай ядзернай і балістычнай ракетнай праграм.
Апошняе зафіксаванае выкарыстанне KN-23 было 27 лютага, паведаміла ўкраінская пракуратура, дадаўшы, што агульная колькасць выяўленых запускаў супадае з данымі разведкі, якія сведчаць, што КНДР паставіла ў Расію каля 50 балістычных ракет.
Акрамя надання Паўночнай Карэі магчымасці выпрабоўваць на практыцы ракеты, Расія зрабіла крокі, якія ўскладняць Арганізацыі Аб'яднаных Нацый маніторынг санкцый, уведзеных супраць Пхеньяна ў 2006 годзе.
Праз дзевяць месяцаў пасля вызвалення памёр палітвязень Валерый Богдан7
Каментары
Ложные цели.
Не,не слышал.