«Людзі былі запушчаны праз Беларусь». Як збіраліся забіць Зяленскага
Расследавальнік Хрыста Грозеў у інтэрв'ю журналісту Міхаілу Зыгару расказаў пра тое, як планавалася забойства Зяленскага ў самым пачатку вайны.
Людзі з ГРУ знаходзіліся ў Кіеве, каб забіць Зяленскага. Па словах Грозева, іх была не адна група. Людзі з гэтай арганізацыі трапілі ва Украіну яшчэ за пару тыдняў да пачатку вайны.
«Яны былі праз Беларусь запушчаны, каб быць побач з Кіевам. Частка з іх зайшла ў Кіеў і рыхтавала ўзяцце палітычнага квартала горада».
Гэта людзі, падначаленыя Андрэю Авер’янаву (генералу ГРУ, які кіраваў падраздзяленнем, што падазраецца ў серыі атручванняў і выбухаў у Еўропе), іх было 30. Гэта вельмі элітная група, кажа Грозеў. Гэта тыя самыя людзі, якія ўзарвалі склады ў Чэхіі і Балгарыі, якія атручвалі Скрыпалей.
«Мы адсачылі паведамленні некалькіх чалавек з гэтай каманды. І было і страшна, і смешна. Страшна, таму што бачылі, якія ў іх мэты. А смешна, таму што яны станавіліся з кожным днём усё менш ура-патрыётамі і сталі крытыкаваць кіраўніцтва за дрэнна спланаваную аперацыю.
Супрацоўнікі ГРУ спачатку лічылі, што будуць ва Украіне тыдзень, пасля пісалі сваім жонкам: «Ну, давядзецца два тыдні. Пасля пісалі пра месяц, паўгода. Некаторыя сталі пасля сумнявацца ў вернасці сваіх жонак».
«Можна пра гэта напісаць раман, пра тое, як гэта каманда, якая павінна была за тыдзень давесці да перамогі, стала псіхалагічнымі ахвярамі гэтай самай вайны», — заўважае расследавальнік.
Частку з іх, кажа Грозеў, забілі.
Ён каментуе цяперашнія аперацыі ГРУ ва Украіне: «Няма ў іх цяпер такіх мегамэтаў, як забіць Зяленскага. Відаць, яны цалкам праваліліся ў гэтым плане».
Грозеў дадае, што ГРУ навучыла новае пакаленне супрацоўнікаў для міжнародных аперацый, яны на 10—15 гадоў маладзейшыя за ранейшых (1993—1999 года нараджэння).
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары