Аўтамабіль развівае хуткасць да 305 км/г.
Першая ракетка свету апублікавала ў сваім інстаграме фота з Маямі з новай машынай.
Мяркуючы з фота, выкладзеных у інстаграме, гэта Lamborghini Urus, красовер ад італьянскага вытворцы аўтамабіляў, робіць здагадку «Прессбол».
У Urus — 4,0-літровы V8-рухавік вытворчасці Audi магутнасцю 650 к. с. Аўтамабіль развівае хуткасць да 305 км/г.
У ЗША такая машына каштуе каля 260 тысяч даляраў.
Арына Сабаленка стала першай ракеткай свету ў сярэдзіне верасня па выніках Адкрытага чэмпіянату ЗША па тэнісе.
Цяпер яна апярэджвае польку Ігу Свёнтак, якая ідзе на 2-м месцы на 836 балаў (у беларускі 9381 рэйтынгавы бал, у полькі — 8545).
Больш паспяховае выступленне на выніковым турніры наймацнейшых тэнісістак свету, што пачнецца ў мексіканскім Канкуне ў канцы кастрычніка, пакіне Арыну на першым месцы ў рэйтынгу да пачатку наступнага года.
За ўсю кар'еру Сабаленка зарабіла 19 мільнаў 729 тысяч 563 даляры. Цяпер яна жыве ў сонечнай Фларыдзе.
Каментары
https://d2accbiqacj5y8.cloudfront.net/328638