Беларус Дзмітрый Шэпелеў будзе весці шоу на тэлеканале «Расія». Раней ён нясмела выступаў супраць вайны
Дзмітрый Шэпелеў у сваім блогу падзяліўся радаснай навіной: яго запрасілі вядоўцам. Шоу для ўсёй сям'і «У коле сяброў» выйдзе ў эфір ужо ў суботу ў 11:50.
«За апошнія два тыдні я пагладзіў больш жывёл, чым за ўсё жыццё. Козы елі на мне футболку, аўчаркі грызлі руку, конь наваліў у студыі велізарную кучу, а какаду спаў у мяне пад пахай. Я шчаслівы! Прыгатуйцеся да «мімімі», — прызнаўся Шэпелеў у сваім допісе.
Прыхільнікі з радасцю падтрымалі любімага вядоўцу: «Вы такі малайчына», «Поспеху табе ў кар'еры. Віншую», «Які ж вы разумнік!».
Дзмітрый Шэпелеў доўгі час працаваў у Кіеве на тэлеканалах і зрабіў сабе імя менавіта ва Украіне. У першы дзень поўнамаштабнага ўварвання ён апублікаваў антываенны пост.
«Мне асабліва страшна ад таго, што я цяпер адвёз дзіця ў школу, а мае сябры ў Кіеве і іншых гарадах Украіны вядуць дзяцей у бамбасховішчы. Гэта не ўкладаецца ў галаве», — напісаў Дзмітрый 24 лютага 2022 года.
Першая намесніца старшыні камітэта Дзярждумы па культуры Алена Драпека ўжо абурылася запрашэннем Шэпелева: «Я б назвала гэта двудушнасцю кіраўніцтва канала, якое запрасіла Шэпелева ўдзельнічаць у праграме. Калі тэлевядоўца сапраўды выступаў супраць СВА, то ён трапляе пад сістэму нашага заканадаўства. Праверкай гэтага мусяць займацца праваахоўныя органы».
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый46
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары