Ва Украіне пахавалі беларуса-добраахвотніка Данілу Ляшука «Маджахеда»
У баях за Украіну пад Бахмутам загінуў беларускі добраахвотнік Даніла Ляшук. Ён меў пазыўны «Маджахед», быў мусульманінам і меў крымінальнае мінулае. Сёння з'явілася паведамленне пра яго пахаванне.
Пра смерць Данілы Ляшука яшчэ ў суботу паведамілі на яго старонцы ў тэлеграме. У рэлігійнай арганізацыі «Іслам ва Украіне» распавялі, што вайсковец быў смяротна паранены пад Бахмутам.
Данііл Ляшук — грамадзянін Беларусі, родам з Берасця, ён прыехаў ва Украіну на пачатку расійскай агрэсіі ў 2014 годзе і ўступіў у новасфармаваны тады батальён «Тарнада». Праўда, рэпутацыя ў яго, як і ўвогуле ў гэтага падраздзялення, была не надта добрая.
У 2015 годзе Генеральная пракуратура Украіны ўстанавіла, што байцы «Тарнада» ў Луганскай вобласці выкрадалі людзей, гвалтавалі, забівалі, а таксама марадзёрствавалі. Роту расфармавалі, а 12 чалавек, у тым ліку і Ляшук, былі асуджаныя. У красавіку 2017-га беларус быў асуджаны да 10 гадоў турмы, але выйшаў на волю датэрмінова ў 2021-м.
У сакавіку 2022 года, пасля пачатку поўнамаштабнага ўварвання Расіі, Данііл Ляшук «Маджахед» зноў трапіў на фронт. Да сваёй гібелі баец паспеў атрымаць раненне, калі дастаўляў у сваё падраздзяленне захопленага ў палон расійскага вайскоўца.
Гэта ўжо 20-ы беларус, які загінуў, ваюючы на ўкраінскім баку.
Цяпер чытаюць
18‑гадовага хлопца абвінавацілі ў адмаўленні генацыду беларускага народа29
18‑гадовага хлопца абвінавацілі ў адмаўленні генацыду беларускага народа
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары