Следчы камітэт заявіў пра раскрыццё жорсткага забойства 17-гадовай даўніны ў Пінску. Пра гэта паведамляе прэс-служба ведамства.
У снежні 2005 года ў міліцыю паступіла паведамленне аб забойстве 23-гадовай жанчыны. Яе парэзанае цела знайшлі на падлозе.
Як высветлілася, загінулая займалася продажам тканіны для мэблі і працавала дома. Жанчына выхоўвала двухгадовую дачку. Падчас следства былі дапытаныя суседзі, сваякі і кліенты жанчыны, праведзеныя экспертызы, але выйсці на след злачынцы не ўдалося.
У 2019 годзе следчыя ініцыявалі паўторнае даследаванне канфіскаваных з месца здарэння аб'ектаў. У выніку эксперты выявілі ў падпазногцевым змесціве загінулай генатып 44-гадовага жыхара Пінскага раёна.
Мужчыну затрымалі. Першапачаткова ён адмаўляў сваю віну, але затым прызнаўся і распавёў пра абставіны забойства. Па яго словах, ён прыйшоў за таварам да сваёй знаёмай. У іх узнік канфлікт. Ён схапіў нож, які ляжаў у кватэры, і нанёс ёй больш за 10 удараў. А калі зразумеў, што жанчына мёртвая, то ўцёк. Прыладу забойства мужчына выкінуў у смеццевы кантэйнер недалёка ад дома.
За гэты час у мужчыны з'явілася сям'я і двое дзяцей (10 і 14 гадоў).
Дзеянні жыхара Пінскага раёна кваліфікаваныя па п. 6 ч. 2 арт. 139 (забойства, учыненае з асаблівай жорсткасцю) Крымінальнага кодэкса Беларусі. Ён узяты пад варту.
Цяпер чытаюць
Украінская мадэль згуляла з грузінскім бізнэсменам вяселле ў Канах на 5 мільёнаў еўра. Вядучымі былі Яўген Перлін і Максім Галкін13
Каментары