28 лютага ў Мінску правядуць аўкцыён для тых, хто жадае арандаваць месца для фудтрака. Пра гэта паведамляе Мінскі гарадскі цэнтр нерухомасці, піша Blizko.by.
На таргі выставілі 8 лотаў. Стартавая цана для ўсіх аднолькавая — 126,75 рубля.
Удзельнікам аўкцыёну прапануюцца пляцоўкі па ўсім горадзе. Гэта, да прыкладу, раён Сосны за МКАДам, Акадэмія навук, вуліца Кастрычніцкая, парк Горкага, Малінаўка, паркі «Мядзвежына» і Дружбы народаў.
Размяшчаць фудтракі можна будзе на працягу цэлага года і толькі на дзвюх пляцоўках арандатар зможа катаць фургончык з ежай з сакавіка па лістапад. На названых маршрутах можна выкарыстоўваць толькі адзін фудтрак.
Як асобны від грамадскага харчавання, фудтракі пачалі дзейнічаць у 2019 годзе. Міністэрства антыманапольнага рэгулявання і гандлю ў той час ўвяло новую класіфікацыю, згодна з якой пад фудтракамі разумеліся транспартныя сродкі, дзе гатуюць і прадаюць вузкі асартымент страў або вырабаў фастфуду.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты21
Каментары