Эканоміка22

Сала — плюс 21%, бульба — мінус 30%. Як за год змяніліся цэны?

Паводле інфармацыі Нацыянальнага статыстычнага камітэта, інфляцыя ў Беларусі за 2022 год склала 12,8%. «Наша Ніва» паглядзела, як за год змяніліся цэны на некаторыя віды тавараў.

Гародніна

У снежні 2021 года кілаграм бульбы ў сярэднім па краіне каштаваў 1 рубель 37 капеек. Праз год цана ўпала да 96 капеек. Атрымліваецца, што за год бульба згубіла ў цане каля 30%.

Яшчэ больш значна знізілася цана на белакачанную капусту: 79 капеек супраць 1,82 рубля ў снежні 2021 года. Мінус 56%. 

Таксама заўважна патаннелі буракі з 1,35 рубля да 91 капейкі, або амаль мінус 32%. 

А вось свежыя агуркі і памідоры, наадварот, прыбавілі ў цане. Памідоры за год падаражэлі на 37% — з 5,25 рубля за кілаграм да 7,19 рубля, а свежыя агуркі на 20% — з 6,71 рубля да 8,02.

Кава з цукрам

Кілаграм кавы прыбавіў за год амаль 30%. 

У снежні 2021 года кілаграм кавы ў сярэднім па краіне каштаваў 34,41 рубля. У снежні 2022-га — 44,31 рубля.

Чай чорны байхавы прыбавіў за год 35% — з 40,20 рубля за кілаграм да 54,33. 

Цукар у снежні 2021-га каштаваў 1,7 рубля за кіло. За год яго цана вырасла да 2,55 рубля — плюс 50% за год. 

Фота: «Мінск-Навіны»

Сала, мяса, каўбаса

Кілаграм сала ў снежні 2021 года ў сярэднім прадаваўся па 13,70 рубля. У канцы 2022 года цана вырасла да 16,60 рубля (плюс 21%).

Свініна (частка без косці) падаражэла на 15% — з 12,46 рубля за кілаграм да 14,36 рубля.

Ялавічына (частка без косці) прыбавіла ў цане 14% у параўнанні са снежнем 2021 года. 19,06 рубля за кіло супраць 16,73 годам раней.

Вараная каўбаса падаражэла на 12% — з 8,18 да 9,26 рубля за кілаграм. 

Алкаголь

Гарэлка за мінулы год падаражэла на 14% з 17,24 да 19,65 рубля за літр. 

Ігрыстае віно прыбавіла ў цане амаль 25%. 

Жавальная гумка стала каштаваць больш на амаль 23%.

Адзенне

Згодна з афіцыйнымі данымі, мужчынскія джынсы ў снежні 2022 года ў сярэднім па краіне каштавалі 80,68 рубля, годам раней — 69,93. Гадавы прырост у цане каля 15%.

Прыблізна на столькі ж падаражэлі жаночыя курткі — са 146,57 рубля да 167,59 за адзінку. Гэта каля 14%. 

Амаль на 20 працэнтаў сталі даражэйшыя бюстгальтары — 36,46 рубля ў снежні 2022-га супраць 30,60 рубля годам раней.

Сродкі для мыцця

Сродак для мыцця посуду прыбавіў 50% да цаны снежня 2021 года. У сярэднім ён каштуе 10,77 рубля за літр супраць 7,14 годам раней.

Гаспадарчае мыла падаражэла на 23% — з 3,13 да 3,85 рубля за кавалак масай 400 грам.

Чытайце таксама: Рознічны гандаль у 2022 годзе ўпаў на 3,7 %

Каментары2

  • даведка
    17.01.2023
    Где они нашли такое дешёвое сало в Беларуси?.. Его цена давно перешагнула за 20 рублей.
  • Максим Дизайнер
    17.01.2023
    даведка, 

    Сам был в ужасе когда услышал. Какой-то очередной бизняс по-беларусски. Говяжья вырезка, рибай, почти столько же стоит. Колхозники совсем совесть потеряли. Наверное от злости решили оторваться на памяркоуных за обвал цен и аренду на их халупы в облезлых панельках и хрущах.

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць