У Лідзе хлопец паведаміў пра крадзеж тэлефона, а аказалася, што ён сам яго скраў
У пачатку кастрычніка да супрацоўнікаў Лідскага РАУС звярнуўся 19-гадовы хлопец, які паведаміў, што ў яго скралі мабільны тэлефон.
У ходзе аператыўна-пошуковых мерапрыемстваў міліцыянты ўстанавілі месцазнаходжанне смартфона. Ён быў у 22-гадовага жыхара Воранаўскага раёна. Аднак, акрамя гэтага, супрацоўнікі міліцыі высветлілі і тое, што знойдзены імі тэлефон не належыць заяўніку.
Як аказалася, у маладога чалавека смартфон з'явіўся незаконным шляхам: ён сам скраў яго ў 51-гадовага лідчаніна.
Двойчы скрадзены тэлефон вярнуўся да свайго законнага ўладальніка, а вось у дачыненні да маладых людзей распачалі крымінальныя справы.
Каментары