25—26 чэрвеня ў Вільні ў Imaguru (вуліца Віценя \ Vytenio g. 18) пройдзе чацвёрты, апошні ў гэтым годзе этап Фестывалю інтэлектуальнай кнігі «Прадмова». На працягу чэрвеня ён ужо праходзіў у Тбілісі, Кракаве і Варшаве.
Кожны фестываль у гэтым годзе — свой асабісты сусвет. Фестывальны сусвет у Вільнюсе пра інтэлектуальныя размовы, сур’ёзныя няпростыя тэмы.
Калі вы засумавалі па філасофіі і філосафах, а яшчэ будзеце на выхадных у Вільнюсе — абавязкова завітайце на «Прадмову».
25 і 26 чэрвеня арганізатары запрашаюць усіх, хто можа і хоча, у Imaguru (вуліца Віценя \ Vytenio g. 18), каб размаўляць, абмяркоўваць, спрачацца, смяяцца, знаёміцца, абдымацца і абавязкова набываць кнігі.
У праграме вы знойдзеце дыскусіі і размовы з літоўскімі і беларускімі інтэлектуаламі, презентацыі кніг і часопісаў, майстар-класы, літаратурную прэмію.
Не застануцца віленскія наведвальнікі «Прадмовы» без ночы паэзіі і музычных імпрэз. На фестывалі выступяць гурт традыцыйных спеваў «Беларускі цуд», Сяргей Башлыкевіч і спявачка Lear.
На «Прадмове» ў Вільні таксама можна будзе набыць кнігі беларускіх аўтараў і выдавецтваў.
Сярод удзельнікаў і ўдзельніц: Ігар Бабкоў, Сабіна Брыло, Марус Бурокас, Гінтарас Граяускас, Ганна Златкоўская, Сяргей Календа, Аляксей Кулакоў, Гінтаўтас Мажэйкіс, Ганна Мусалёва, Вольга Раманава, Віталь Рыжкоў, Сцяпан Стурэйка, Віка Трэнас, Андрэй Хадановіч, Сяргей Харэўскі, Таццяна Шчытцова.
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
-
Мінская мастачка кажа, што 10 гадоў таму ў яе забрала карціны куратарка выставы — і дагэтуль не вярнула. А сама эмігравала
-
Ультыматум Пуціну з лазні і абмеркаванне бургераў. Новыя пародыі на Лукашэнку рвуць інстаграм
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою10
Каментары