У суботу на агароджы ўкраінскага пасольства ў Мінску з'явіліся кветкі.
«Дарагія сябры, хацеў бы выказаць словы падзякі за салідарнасць з народам Украіны ў гэты час. І за кветкі, якія вы прыносіце да Пасольства. Я працаваў у Лондане, Парыжы, Атаве, дзе такія акцыі ёсць звычайнай справай.
Але я захапляюся вашай мужнасцю рабіць гэта тут, у Мінску, дзе сёння дэманстрацыя свайго негатыўнага стаўлення да вайны, развязанай Расеяй супраць украінскага народа, можа быць небяспечнай.
Дзякуй! Слава сяброўству ўкраінскага і беларускага народаў!» — напісаў пасол Ігар Кізім у фэйсбуку пад фота кветак ля ўкраінскага пасольства.
Раней паведамлялася пра шматлікія затрыманні беларусаў, якія публічна выказвалі асуджэнне нападам Расіі на Украіну. Такія выпадкі мелі месца ў Маладзечне, Брэсце, Мінску, іншых гарадах.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары