У сувязі з ліквідацыяй ТБМ перастаў выдавацца часопіс «Верасень»
У сувязі з ліквідацыяй Таварыства беларускай мовы імя Францішка Скарыны спыніў выхад і літаратурна-мастацкі часопіс «Верасень», да заснавання якога ТБМ мела непасрэднае дачыненне. Пра гэта піша галоўны рэдактар выдання Эдуард Акулін.
За 12 гадоў свайго існавання на старонках «Верасня» надрукавалі свае творы каля 700 аўтараў — паэтаў, празаікаў, драматургаў, публіцыстаў і крытыкаў, з іх — больш за 100 дэбютантаў.
Пачынаючы ад 14 нумара, акрамя літаратараў, «Верасень» стаў творчай пляцоўкай яшчэ й для маладых мастакоў.
«А колькі цікавых і змястоўных гутарак з пачаткоўцамі і знанымі творцамі з’явілася за гэты час на старонках выдання?! Мне хочацца выказаць шчырую падзяку ўсім, хто спрычыніўся да з’яўлення часопіса: найперш аўтарам, якія паверылі ў выданне і даверылі яму свае творы, а таксама вераснёўцам-мастакам — Юрыю Круглікаву, Дар’і Бунеевай і Валерыі Праславай, дзякуючы таленту якіх кожны нумар «Верасня» набыў сваё непаўторнае, асабістае аблічча. І, канечне, тым дабрадзеям, без якіх было б немагчымым існаванне часопіса…» — напісаў Эдуард Акулін.
Цяпер чытаюць
Аляксей Хлястоў, які пайшоў у таксісты, стаў героем інтэрнэту. Беларусы запусцілі флэшмоб, каб падтрымаць спевака з чорнага спісу12
Каментары