Наста Палажанка і Дзяніс Карноў падалі заявы ў пракуратуру і РУУС Фрунзенскага раёну з патрабаваннем працягнуць следства крымінальнай справы па факце выкрадання 25 сакавіка.
Наста Палажанка і Дзяніс Карноў падалі заявы ў пракуратуру і РУУС Фрунзенскага раёну з патрабаваннем працягнуць следства крымінальнай справы па факце выкрадання 25 сакавіка.
На Дзень Волі маладзёнаў затрымалі каля станцыі метро «Каменная горка», і адвезлі ў раён вёскі Тарасава. «Нас сілай закінулі ў машыну, адабралі мабільныя тэлефоны, насунулі на вочы шапкі і павезлі ў Гродзенскім напрамку. Пасля гэтага Дзяніса некуды перасадзілі, заявіўшы, што павязуць яго ў пастарунак, але ў які — не сказалі. Мяне павезлі далей і высадзілі з машыны на трасе ў раёне вёскі Тарасава. Назад я дабіралася на спадарожных машынах», — расказвала тады Палажанка.
Карнова ж адвезлі яшчэ далей. Яму зрэзалі нажом штаны, фактычна ператварыўшы іх у шорты, збілі, а потым выкінулі з машыны.«Маладафронтаўцы» адразу звярнуліся ў міліцыю, але нядаўна атрымалі паведамленне, што расследаванне справы прыпыненае. Цяпер жа Палажанка і Карноў просяць правесці праверку па чалавеку, якога яны лічаць выкрадальнікам.
Маладзёны пабачыўшы ў СМІ фотаздымак супрацоўніка спецпадраздзялення «Алмаз» Аляксандра Леаненку, пазналі ў ім чалавека, які кіраваў іхным выкраданнем. У гэтым Наста і Дзяніс упэўненыя амаль стопрацэнтна.
Ён ішоў па крымінальнай справе па выкраданню Змітра Завадскага, але следства не знайшло доказаў ягонай віны. У свой час Леаненка працаваў у службе аховы Лукашэнкі, а нядаўна кіраўнік дзяржавы ўзнагародзіў байца медалём «За адвагу».
Адказ з пракуратуры і міліцыі павінен прыйсці цягам месяца.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы5
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары