Пасольства Беларусі ў Расіі «катэгарычна абвергла» інфармацыю аб падпісанні 9 верасня дарожных карт
У пасольстве Беларусі ў Расіі «катэгарычна абверглі» раней распаўсюджаныя шэрагам расійскіх СМІ паведамленні са спасылкай на пасла Уладзіміра Сямашку аб падпісанні саюзных праграм Лукашэнкам і Пуціным на сустрэчы 9 верасня, паведамляе БелТА.
У пасольстве заявілі, што на сустрэчы Пуціна і Лукашэнкі будуць абмяркоўвацца беларуска-расійскія адносіны, у тым ліку тэматыка развіцця Саюзнай дзяржавы. «Падпісаныя саюзныя праграмы могуць быць 10 верасня на пасяджэнні саюзнага Саўміна», — працытавалі ў дыппрадстаўніцтве раней сказанае Уладзімірам Сямашкам. У пасольстве адзначылі, што многія расійскія СМІ далі скажоную інфармацыю са спасылкай на пасла.
У пасольстве падкрэслілі, што ў выступе пасла аб падпісанні саюзных праграм Лукашэнкам і Пуціным на сустрэчы ў Маскве не гаварылася.
Нагадаем, сёння расійскія СМІ распаўсюдзілі паведамленне, у якім сцвярджалася, што пасол Беларусі Уладзімір Сямашка на сустрэчы з губернатарам Варонежскай вобласці Аляксандрам Гусевым і віцэ-спікерам Дзярждумы Аляксеем Гардзеевым расказаў пра падпісанне Пуціным і Лукашэнкам 9 верасня ўсіх дарожных карт інтэграцыі.
Пра гатоўнасць падпісання дарожных карт у гэтым годзе заяўлялася неаднойчы, аднак і тэрміны ссоўваліся.
Цяпер чытаюць
Манекен дзяўчынкі на вакзале ў Мінску напалохаў і насмяшыў сацсеткі5
Каментары