Беларуская актрыса Бэла Шпінер памерла на 45-м годзе жыцця. Пра гэта паведамілі ў фэйсбуку яе сябры. Паводле непацверджанай інфармацыі, у яе была анкалогія, піша Tut.by.
Бэла Шпінер нарадзілася 5 жніўня 1976 года ў Асіповічах. Скончыла Мінскае музычнае вучылішча і Беларускую дзяржаўную акадэмію мастацтваў.
Працавала ў Рэспубліканскім тэатры юнага гледача, тэатры «Дзе-Я?» (цяпер Новы драматычны тэатр). З 2002 года з'яўлялася актрысай Рэспубліканскага тэатра беларускай драматургіі.
Была занятая ў многіх спектаклях РТБД. Напрыклад, у камедыі «Дажыць да прэм'еры» — адным з найлепшых мінскіх спектакляў пачатку 2010-х.
З'яўлялася вакалісткай мінскага ансамбля «Дыліжанс-jazz».
Актыўна здымалася ў эпізодах серыялаў («Вольф Месінг: чалавек. які бачыў скрозь час», «Мухтар. Новы след « і іншых).
Цяпер чытаюць
Латушка перамог усіх на выбарах у Каардынацыйную раду13
Латушка перамог усіх на выбарах у Каардынацыйную раду
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары