«Ён разбурае краіну». Алексіевіч адмовілася вяртацца ў Беларусь, пакуль Лукашэнка ва ўладзе
Лаўрэат Нобелеўскай прэміі Святлана Алексіевіч мае намер заставацца ў Германіі да таго часу, пакуль Аляксандр Лукашэнка застаецца ва ўладзе. Пра гэта яна заявіла ў інтэрв'ю нямецкаму часопісу Der Spiegel.
На пытанне, як доўга яна мае намер прабыць у Берліне, Алексіевіч адказала: «Пакуль Аляксандр Лукашэнка не сыдзе». «Тое, што ён робіць, — гэта катастрофа. З моманту фальсіфікацыі выбараў у жніўні былі затрыманыя 27 тысяч чалавек: навукоўцы, прафесары, нармальныя людзі, рабочыя, студэнты. Гэта датычыцца ўсіх слаёў насельніцтва. Лукашэнка разбурае краіну», — дадала яна.
Яна таксама распавяла аб выніках лячэння ў Берліне. «Я пакутую на неўралгію трайніковага нерва, болевы сіндром выяўляецца на твары. Але я зноў магу гаварыць, нерв супакоіўся. У мяне ўсё добра», — патлумачыла Алексіевіч.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары