У Бярэзінскім раёне жанчына адпомсціла здрадніку-мужу, разліўшы ў яго пакоі «арганічны бруд»
У Бярэзінскі РАУС звярнуўся жыхар вёскі Трасцянка. Нехта ў яго адсутнасць разліў у пакоях дома «арганічны бруд» і сапсаваў маёмасць, паведамляе Звязда.
Участковым інспектарам міліцыі неўзабаве быў устаноўлены падазраваны. Ім аказалася сужыцелька заяўніка і маці яго дзіцяці. Даведаўшыся пра гэта, мужчына «даў задні ход» заяве і не пажадаў караць жанчыну за яе ўчынак. Як ён прызнаўся, віной усяму стала яго здрада.
У Бярэзінскім РАУС мяркуюць, што жанчына зрабіла гэта ў адчаі, з-за таго, што яе падманулі. З падобным высвятленнем адносін тут сутыкнуліся ўпершыню.
Каментары