Пасол Мезенцаў: Расія гатовая ў найбліжэйшы час вырашыць пытанне нафты і газу. І кампенсаваць шкоду за брудную нафту
Расія і Беларусь у найбліжэйшы час могуць знайсці аптымальныя рашэнні па нафтагазавых пытаннях, нягледзячы на адрозненні ў пазіцыях бакоў. Пра гэта паведаміў у чацвер ТАСС пасол Расіі ў Мінску Дзмітрый Мезенцаў.
«Нягледзячы на пэўныя адрозненні ў падыходах бакоў, аптымальныя рашэнні, якія задаволяць партнёраў, павінны быць знойдзены ў найбліжэйшы час, што таксама пацвердзіць маштаб і практыку двухбаковага ўзаемадзеяння па нафце і газу», — адзначыў ён.
Мезенцаў падкрэсліў, што расійскі бок улічыць запыт Беларусі і гатовы кампенсаваць шкоду, нанесеную ў мінулым годзе беларускім нафтаперапрацоўчым прадпрыемствам у выніку паставак няякаснай сыравіны.
«У адпаведнасці з запытам і дакументальна пацверджанымі стратамі, панесенымі беларускімі нафтаперапрацоўчымі заводамі ў сувязі з пастаўкамі няякаснай нафты у 2019 годзе, расійскі бок гатовы кампенсаваць шкоду. Такая пазіцыя і ў гэтым выпадку паказвае прыхільнасць саюзніцкім адносінам», — адзначыў ён.
Каментары