Падрыхтаваны ва ўрадзе Беларусі праект праграмы дзеянняў па інтэграцыі з Расіяй перададзены для адабрэння Аляксандру Лукашэнку.
Пра гэта РБК заявіла прэс-сакратар прэм'ер-міністра Аляксандра Ісаева.
У аснове інтэграцыі краін ляжыць Дамова аб стварэнні Саюзнай дзяржавы, якая была падпісана ў 1999 годзе. У ліпені Уладзімір Пуцін заявіў, што Масква і Мінск выберуць прымальныя для абедзвюх краін шляхі развіцця інтэграцыі. У пачатку жніўня Лукашэнка даручыў ураду паскорыць узгадненне з Расіяй праграмы па інтэграцыі. Кіраўнік расійскага Мінэканамразвіцця Максім Арэшкін заявіў, што бакі дасягнулі дамоўленасцей і практычна ліквідавалі прынцыповыя рознагалоссі.
У канцы жніўня прэм'ер-міністр Беларусі Сяргей Румас паабяцаў апублікаваць праект праграмы інтэграцыі з Расіяй. Паводле яго слоў, гэта неабходна для таго, каб зняць асцярогі наконт суверэнітэту краіны. Румас адзначыў, што да 1 лістапада дзяржаўныя органы павінны скласці 28 «дарожных карт» па розных сектарах эканомікі.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы48
Каментары