Прэзідэнт Італіі Серджа Матарэла падпісаў закон аб правядзенні ў краіне пенсійнай рэформы, паведамляе агенцтва ANSA.
Адпаведны законапраект быў прыняты парламентам у сярэдзіне студзеня. Паводле яго, у пенсійнай сістэме Італіі ўводзіцца «квота 100».
Гэта азначае, што тэрмін выхаду на пенсію зараз будзе вызначацца па формуле: узрост грамадзяніна плюс яго працоўны стаж. У суме гэтыя два паказчыкі павінны даць вынік 100.
Адзначаецца, што мінімальны ўзрост выхаду на пенсію складзе 62 гады, у гэтым выпадку стаж павінен быць не менш за 38 гадоў.
Па ранейшых правілах, большасць італьянцаў маглі выходзіць на пенсію ў 67 гадоў.
Таксама закон прадугледжвае ўвядзенне сацыяльных выплат бедным у памеры 780 еўра ў месяц.
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары