Адказ незалежнага прафcаюза «Нафтана» на абвінавачванні ідэолага: Проста мы хочам вырашаць пытанні законнна, а не шантажом і ціскам
«Наша Ніва» пісала пра здарэнне, адным з удзельнікаў якога стаў ідэолаг наваполацкага «Нафтана». З'явілася інфармацыя, што чыноўнік у нецвярозым стане наскочыў на бардзюр на сваім аўто. Сам чыноўнік чуткі абвер, заявіўшы, што ачарненне яго асобы можа быць выгадна незалежнаму прафсаюзу, які працуе на прадпрыемстве. У рэдакцыю «Нашай Нівы» звярнуўся Максім Пазнякоў, намеснік старшыні першаснай арганізацыі Беларускага незалежнага прафсаюзу работнікаў ААТ «Нафтан», бо яго зачапілі словы начальніка. Прыводзім яго адказ.
Тэма: Наваполацкі ідэолаг нецвярозым наехаў на бардзюр?
Добры дзень, паважаная рэдакцыя, хочам падзякаваць вам за ваш артыкул пра ідэолага завода «Палімір» Сяргея Брыкуна.
У сувязі з тым, што ў яго выказваннях была закранутая наша арганізацыя — Беларускі Незалежны прафсаюз работнікаў ААТ «Нафтан», — мы б хацелі ў працяг гісторыі выказаць сваё меркаванне пра гэта.
Перш за ўсё, нам хацелася б падзякаваць Сяргею Канстанцінавічу Брыкуну за рэкламу. Мабыць, у яго сапраўды нешта здарылася, калі мы ўдастоіліся гонару быць прапіаранымі на ўсю краіну.
Даваць ацэнку здарэнню з яго удзелам мы не будзем. Хай гэта робяць праваахоўныя органы, дырэкцыя завода і ўлады горада. Ды і СМІ ужо ўсё напісалі.
Што тычыцца законных метадаў працы з незалежным прафсаюзам, пра якія казаў Сяргей Канстанцінавіч, то яны добра вядомыя на нашым прадпрыемстве. Сотні членаў нашага прафсаюза выпрабавалі іх на сабе. Шантаж, ціск і запалохванне.
Таму мы сапраўды хочам вырашаць пытанні «інакш», з выкананнем заканадаўства Беларусі аб працы, прафсаюза і канвенцый Міжнароднай арганізацыі працы.
Будзем вельмі ўдзячныя за публікацыю.
З павагай, Максім Пазнякоў, намеснік старшыні першаснай арганізацыі Беларускага незалежнага прафсаюзу работнікаў ААТ «Нафтан»
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары