Беларус перамог у самым эпатажным шоу расійскага інтэрнэту і зарабіў $50 тысяч
26-гадовы жыхар Мінска Віктар Касаўцаў стаў пераможцам рэаліці-шоу «Паблічныя гульні», якое праходзіла на базе платформы сацыяльнай сеткі «Укантакце». Касаўцаў выйграў 3 мільёны расійскіх рублёў, гэта крыху болей за 50 тысяч даляраў.
Для перамогі Касаўцаў чатырнаццаць гадзін адстаяў на слупе ў моры. «Я яшчэ не веру, што перамог. Я на кожнае выпрабаванне выходзіў і рваў сябе», — сказаў ён, паказаўшы шнары па ўсім целе.
Куды Касаўцаў патраціць грошы? «Я нарэшце раздам усе свае пазыкі, я нарэшце займуся нейкім бізнэсам. Бо працаваць на найме ў Мінску за капейкі мяне не натхняе. І ніколі не натхняла, я нідзе больш за паўгода не працаваў». Віктар цяпер робіць інжынерам па размеркаванні.
«Паблічныя гульні» — гэта рэаліці-шоу, якое транслявалася анлайн кругласутачна на працягу двух месяцаў. «Паблічныя гульні» адрозніваліся ад «Дома-2» ці «Апошняга героя» вялікай колькасцю мацюкоў і трэшу, хапала аголенасці. Той жа Касаўцаў засвяціўся ў эфіры цалкам голы. А таксама ўдзельнікаў чакалі выпрабаванні, хто з ім не спраўляўся, ці даваў занадта мала кантэнту, пакідаў шоу.
Касаўцаў увесь час падкрэсліваў, што ён з Беларусі, насіў адмысловыя майкі. Дзеля дзесяці рулонаў туалетнай паперы Касаўцаў усю ноч стаяў перад ботам, што вядзе шоу. Да яго падышла іншая ўдзельніца, Віктар сказаў па-руску: «Я кашулю нацягну на галаву». Пры гэтым яго спадарожніца звярнула ўвагу на цеканне, уласцівае беларускай мове. «Нацяну? Ха-ха, беларус», — адрэагавала яна.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары