Іраклі Лабадзэ ўступаў у спрэчкі, публіка зьневажала ягоную нацыянальную годнасьць. Зараз Міжнародная тэнісная фэдэрацыя разгледзіць пытаньне аб санкцыях. Матч Беларусь-Грузія скончыўся са згоды бакоў датэрмінова, перамогай беларусаў 3:0.
Міжнародная тэнісная федэрацыя разгледзіць пытанне аб накладанні санкцый на грузінскага тэнісіста Іраклі Лабадзэ і федэрацыю гэтай краіны
Дысцыплінарны камітэт Міжнароднай тэніснай федэрацыі (ІТФ) разгледзіць пытанне аб накладанні санкцый на грузінскага тэнісіста Іраклі Лабадзэ і федэрацыю гэтай краіны. Пра гэта паведамілі БелаПАН у аргкамітэце матчу Кубка Дэвіса Беларусь — Грузія.
У камітэт будзе прадстаўлены рапарт аб некарэктных паводзінах спартсмена падчас паядынка з прадстаўніком гаспадароў Андрэем Каратчэнем 20 верасня на корце Рэспубліканскага цэнтра алімпійскай падрыхтоўкі па тэнісе і настольным тэнісе.
І. Лабадзэ, які быў у кроку ад перамогі, але ў выніку прайграў суперніку (6:7 (5:7), 6:3, 6:2, 5:7, 3:6), неаднаразвова ўступаў у спрэчкі з арбітрамі і гледачамі, выкарыстоўваючы ненарматыўную лексіку і непрыстойныя жэсты. Разам з тым рэферы матчу давялося заклікаць да парадку гледачоў, якія шумелі падчас падач, а таксама адпускалі рэплікі, што закраналі нацыянальную годнасць тэнісіста.
Распаўсюджаная некаторымі СМІ інфармацыя аб тым, што на І. Лабадзэ накладзены штраф у памеры 2 тыс. швейцарскіх франкаў, не адпавядае сапраўднасці, заявілі ў аргкамітэце.
Матч Беларусь — Грузія завяршыўся па ўзаемнай згодзе бакоў датэрмінова праз дождж пры ліку 3:0 на карысць гаспадароў, якія захавалі месца ў першай групе Еўра-Афрыканскай зоны Кубка Дэвіса.
Чаму YouTube выдаліў каналы БелТА, СТБ і АНТ? Вось што вядома10
Каментары