Справа за неналежнае выкананне службовых абавязкаў па кантролі за своечасовым зносам старых будынкаў і збудаванняў распачата ў дачыненні да некалькіх супрацоўнікаў гарвыканкама Магілёва, паведаміла TUT.BY афіцыйны прадстаўнік СК Юлія Ганчарова.
1 лістапада трое школьнікаў апынуліся на тэрыторыі закінутага ўчастка з недабудаваным домам у Магілёве. На дваіх дзяцей абрынулася пліта перакрыцця. 9-гадовы Максім загінуў на месцы. 8-гадовага Дзяніса ў стане клінічнай смерці даставілі ў абласную дзіцячую бальніцу.
Следчы камітэт пачаў крымінальную справу за прычыненне смерці па неасцярожнасці. Затрыманы мужчына, які будаваў гэты дом. Расследаванне ўсё яшчэ працягваецца.
Недабудаваны будынак не быў закансерваваны, тэрыторыя не абгароджана.
Каментары