Пытанне дазволу разлікаў у крыптавалютах у Беларусі не разглядаецца, заявіў старшыня праўлення Нацбанка Павел Калаўр 18 кастрычніка на адкрыцці міжнароднага форуму па банкаўскіх інфармацыйных тэхналогіях «БанкІТ'2017», піша БЕЛТА.
— Што тычыцца крыптавалют, то пытанне дазволу разлікаў у крыптавалютах за тавары, работы, паслугі на тэрыторыі Беларусі ў прынцыпе не разглядаецца, - сказаў Павел Калаўр.
У беларускім заканадаўстве крыптавалюты пакуль ніяк не рэгулююцца. Пры гэтым новы праект дэкрэта, які павінен ператварыць Беларусь у ІТ-краіну, прадугледжвае ўвядзенне ў грамадзянскі абарот крыптавалют і токенаў. Прапануецца комплекснае прававое рэгуляванне для таго, каб рэзідэнты ПВТ маглі аказваць паслугі крыптабірж, крыптаабменнікаў, прыцягваць фінансаванне пасродкам ICO, выкарыстоўваць крыптавалюты і токены ў грамадзянскім абароце. Гэта дасць магчымасць увесці ў легальнае поле не толькі криптовалюты, але і дзейнасць так званых майнераў. У перспектыве становіцца магчымым легальнае стварэнне ў Беларусі буйных майнінгавых крыптацэнтраў.
Каментары