Створаны супермоцны біяклей, які здольны склейваць вільготныя паверхні, у тым ліку сэрца
Хімікі з Гарварда стварылі незвычайны біялагічны клей, які ліпне да мокрых паверхняў і дазваляе склейваць практычна любыя тканіны арганізма чалавека, у тым ліку і пашкоджаную сардэчную мышцу, гаворыцца ў артыкуле, апублікаваным у часопісе Science.
Ідэю для стварэння новага, больш дасканалага клею даследчыкі запазычылі ў смаўжоў Arion subfuscus, ахоўная слізь якіх добра прыліпае да вільготных паверхняў. Галоўную ролю ў гэтым, на думку навукоўцаў, граюць першасныя аміны, што змяшчаюцца ў слізі. Гэта вытворныя аміяку, якія здольныя ўтвараць вадародныя сувязі з вадой.
Клей, распрацаваны навукоўцамі, складаецца з двух слаёў — клеючай паверхні і матрыцы з гідрагелю. Клеючая паверхня змяшчае злучныя палімеры з тымі самымі першаснымі амінамі, якія злучаюць клей з падкладкай (нават вільготнай).
Матрыца ж размяркоўвае энергію пры знешняй нагрузцы на злучэнне. У выніку клей лёгка расцягваецца і прыстасоўваецца да рухаў жывых тканін. Выпрабаванні на тканінах печані паказалі, што клейкае рэчыва расцягнулася у 14 разоў перш чым разарвацца.
Цяпер чытаюць
З YouTube выдалілі каналы БелТА, СТБ і АНТ. Улады пагражаюць контрмерамі22
Каментары