Выпадковая галасавая каманда падчас сямейнае сваркі дапамагла пазбегнуць жудаснага зыходу, перадае Engadget. Пра інцыдэнт паведаміла паліцыя штата Нью-Мексіка.
Падчас канфлікту Эдуарда Барас размахваў перад сваёй дзяўчынай пісталетам. У нейкі момант ён пачаў пытаць яе, ці выклікала яна паліцыю. Разумная калонка, якая знаходзілася ў памяшканні, пачула словы «выклікаць» і «паліцыя» і неадкладна патэлефанавала ў 911. На тым канцы лініі аператар прасачыў за развіццём сваркі і прыняў рашэнне адправіць нарад па адрасе тых, хто тэлефанаваў.
Дзяўчына Бараса атрымала траўмы падчас сваркі, але ў паліцыі кажуць, што ўсё магло скончыцца значна горш, калі б не званок калонкі. Шэрыф Мануэль Гансалес лічыць, што калонка выратавала жыццё не толькі дзяўчыне, але і яе дачцэ, якая таксама знаходзілася ў доме.
Спачатку паведамлялася, што гаворка ідзе пра разумную калонку ад Google, але потым крыніцы ўдакладнілі, што насамрэч у справе замешаны дэвайс неназванай фірмы.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары